दउरा के बेरा म मण्डप, शामियाना अऊ साज-सज्जा म फोकटंहा खरचा नइ करे के निर्देश
रायपुर, मुख्यमंत्री श्री भूपेश बघेल ह अधिकारी मन ल एक पइत फेर मितव्ययता बरते के निर्देश दिए हें। श्री बघेल ह कहे हें के कई जगा प्रवास के बेरा म उमन महसूस करथें के कार्यक्रम स्थल के साज-सज्जा म अड़बड़ पइसा खरचा होथे। उमन कहिन के भविष्य म ऊंखर प्रवास के समय मण्डप, शामियाना अऊ साज-सज्जा म फोकटंहा खरचा झन करे जाए अऊ मितव्ययता के संग सबसे कम जरूरी व्यवस्था करे जाए। मुख्यमंत्री ह एखर बर प्रदेश के मुख्य सचिव ल संबंधित मन ल निर्देशित करे ल कहे हें।
