सूरजपुर 06 अप्रैल 2021 मंगलवार। कलेक्टर श्री रणबीर शर्मा के निर्देशन, जिला कार्यक्रम अधिकारी श्री चन्द्रवेश सिंह सिसोदिया के मार्गदर्शन म जिला बाल संरक्षण के टीम ह नगर ले लगे तिलसिवां म दू ठिन भवन म बाल मजदूर कार्यरत रिहिन हे उहां लउहे कार्यवाही करत मउका म गइन। जिंहा पॉच झिन मजदूर मन ह अपन आप ल 18 बछर ले कमती बताइन। जिन्कर उमर सत्यापन बर तुरते गांव म जिला बाल संरक्षण इकाई अउ चाईल्ड लाईन के टीम गईन। पांच म ले एक झिन 18 बछर के, बांचे चार झिन मन नबालिक निकलीन, चार बाल मजदूर मन के उमर ह ओसरी पारी 14 बछर, 15 बछर, एक झिन 17 बछर के नोनी अउ एक झिन 16 बछर के बालक निकलिस । जम्मो नबालिक मन ल बाल कल्याण समिति सूरजपुर के आगू म प्रस्तुत करे गइन। जिहां ले नबालिक मन ल उनकर परिजन मन ल समझाईस देके उन्कर सुपुर्द कर देहे गइस। संयुक्त टीम के कार्यवाही म जिला बाल संरक्षण अधिकारी मनोज जायसवाल, परामर्शदाता जैनेन्द्र दुबे, श्रम निरीक्षक डोलामणी मांझी, श्रम कल्याण अधिकारी रमेश साहू, पवन धीवर, चाईल्ड लाईन ले गीता गिरी, रमेश साहू, पुलिस विभाग ले जयप्रकाश तिवारी, ओमप्रकाश सिंह उपस्थित रिहिन। कार्यवाही के बेरा ग्राम पंचायत तिलसिवां के सरपंच कामेश्वर सिंह नेताम उपस्थित रहीन। उन्मन मौंका म कहीन कि सबो ग्रामीण मन ल समझाईस देहे जाही अउ हमर क्षेत्र म बाल श्रमिक ले काम नइ लेहे जावय।
जिला बाल संरक्षण इकाई ह चार झन बाल श्रमिक मन ल कराइन मुक्त
