धमतरी, 18 अप्रैल 2021 इतवार । कोविड-19 के संक्रमण ले बांचे बर देश-प्रदेश के संगे —संग जिला म तको टीकाकरण अभियान तेजी ले जारी हे। जिला के जनप्रतिनिधि,आमजनता के अलावा जिला के अधिकारी मन तको बढ़-चढ़कर टीकाकरण करवावत हावय। कलेक्टर श्री जयप्रकाश मौर्य डाहर ले तको टीकाकरण बर जिलावासी मन ले अपील करे जावत रेहे हे । इही क्रम म आज लीड बैंक के जिला प्रबंधक श्री प्रबीर कुमार राॅय अउ जिला शिक्षा अधिकारी डाॅ. रजनी नेल्सन ह कोविशील्ड के दूसरइया डोज के टीका लगवाइन। उन मन कहीन कि वर्तमान समे म कोविड-19 वायरस के बाढ़त खतरा ल देखत सब्बो पात्र लोगन ल टीका बजुर लगवाना चाही। एमा डरे वाले कोनो बात नइ हे, भलकुन येह अबड़े सुरक्षित अउ सामान्य टीकेच मन बरोबर हे। ये वैश्विक महामारी के रूप ले चुके कोरोना वायरस ले बाचे के एकेच ठिन विकल्प वैक्सिनेशन हे, तेकर पाय के लोगन ल टीकाकरण बर बिना कोनो भय, झिझक या हिचक के आगू आना चाही।
मुख्य चिकित्सा अउ स्वास्थ्य अधिकारी डाॅ. डी.के. तुरे मन बताइन कि वृहत् टीकाकरण अउ आमजनता के सुविधा ल धियान म रखत जिला अस्पताल के संगे —संग जिला के चारों ठिन ब्लाॅक म कुल 124 टीकाकरण केन्द्र स्थापित करे गे हे, जिंहा प्रतिदिन अबड़ पैमाना म टीकाकरण स्वास्थ्य अमला डाहर ले कराए जावत हावय।
