जिला पंचायत मुंगेली के जम्मो सदस्य भेंट करीन मुख्यमंत्री सहायता कोष म अपन एक दिन के मानदेय राशि के चेक

मुंगेली 25 मई 2021 मंगल। नोवेल कोराना (कोविड-19) महामारी ले बचाव बर जिला के कईयो ठिन सामाजिक संगठन, समाज सेवी मन मुख्यमंत्री सहायता कोष अउ जिला सहायता कोष बर खुल्ला हाथ दान देवत हे । इही कड़ी म जिला पंचायत मुंगेली के जम्मो सदस्य मन आज मुख्यमंत्री सहायता कोष म अपन एक दिन के मानदेय 85 हजार 750 रूपिया के राशि के चेक जिला के प्रभारी कलेक्टर श्री रोहित व्यास ल भेंट करीन। एमा जिला पंचायत के अध्यक्षा श्रीमति लेखनी सोनू चंद्राकर, जिला पंचायत उपाध्यक्ष श्री संजीत बनर्जी, सभापति श्रीमति भारती लोकराम साहू, सभापति श्रीमति अम्बालिका साहू, सभापति श्रीमति लैला बाई ढ़िढे, सभापति सुश्री अश्वनी अघन सिंह मरावी, सभापति श्रीमति रजनी मानिक सोनवानी, सभापति श्री वशी उल्ला शेख सदस्य श्रीमति रानू संजय केशरवानी, सदस्य श्रीमति दुर्गा उमाशंकर साहू, सदस्य श्रीमति शीलू साहू अउ सदस्य श्रीमति जागेश्वरी वर्मा शामिल हे। प्रभारी कलेक्टर श्री व्यास ह नोवेल कोराना (कोविड-19) महामारी ले बचाव बर मुख्यमंत्री सहायता कोष म दिये सहायता राशि बर जिला पंचायत के जम्मो सदस्य मन के प्रति धन्यवाद प्रगट करीन। ये बेरा म जिला पंचायत के अतिरिक्त मुख्य कार्य पालन अधिकारी श्री हरजीत सिंह हुरा तको रिहिन।