धमतरी 29 अप्रैल 2021 बिरस्पत । शासन के मंशा अनुरूप जिला प्रशासन कोविड के मरीज मन के उपचार म बने चेत लगा के भीड़े हे । अस्पताल मन म भर्ती मरीज मन के बने इलाज ल सरलग राखे बर ऑक्सीजन, वेंटीलेटर अउ आने आवश्यक बेेवस्था बर तको उदीम करत हावय । इही बीच खुशी के बात हे कि जिला ल आज सौ ठिन जंबो सिलेंडर मुंबई केे एक ठो उत्पादक संस्था ले मिले हवय। सांसद, विधायक मन के निधि के राशि के उपयोग करत कलेक्टर ह सीधा मुम्बई केे कंपनी ल 300 जंबो सिलेंडर खरीदे के मांग पत्र भेजेे रिहिसे। जेमा के अभीन 100 जंबो सिलेंडर मिले हे। असल म 150 जंबो सिलेंडर कंपनी ह जिला ल अलॉट करे रिहिसे, फेर बेमेतरा जिला के आवश्यकता ल देखत उहां 50 ठिन जंबो सिलेंडर भेजे गइस, बांचत ह इहां मिले हेे । कलेक्टर श्री मौर्य ह बताइन कि अइसनेहे डीएमएफ ले जिला के मरीज मन बर दिल्ली के उत्पादक संस्था ह आठ ठिन वेंटीलेटर जिला बर डिस्पैच कर देहे हावय जउन ह एक दूू दिन के भीतर धमतरी जिला म आ जाही, जेकर ले कोविड के मरीज मन के उपचार म अबड़ सहूलियत होही।
