दंतेवाड़ा, सुराजी गांव योजना ले ग्रामीण अर्थव्यवस्था ल गति मिलत हे जेमे गांव के महिला मन के योगदान ले ये योजना के सकारात्मक परिणाम नजर आवत हे। राज्य शासन के महत्वाकांक्षी योजना नरवा, गरवा, घुरूवा अउ बाड़ी ले स्व सहायता समूह के दीदी मन के जीवन म खुशहाली आए हे। ये योजना तहत जिला म गौठान मन ल आजीविका केंद्र के रूप म विकसित करे जात हे। जिला के सुदूर विकासखण्ड मन म घलोक ये योजना के लाभ गांव के गरीब परिवार ल लगातार मिलत हे अइसनहेच विकासखण्ड कुआकोंडा के मांझी पारा गौठान म राष्ट्रीय ग्रमीण आजीविका मिशन के स्व सहायता समूह के दीदी मन ह गौठान के अंदर ही जिमीकंद अऊ हल्दी के खेती करे रहिन। दीदी मन ह बताइन के इंकर तीर जादा जमीन घलोक नइ रहिस जेमां ये प्रकार ले सब्जि मन के खेती करे जा सकय। गौठान म उपलब्ध बाड़ी म दीदी मन ल सब्जी लगाय बर कृषि विभाग ह हल्दी अऊ जिमीकंद के बीज देहे गए रहिस, जेन ल लगाके गायत्री स्व सहायता समूह माँझीपारा ह 300 किलोग्राम जिमीकंद अऊ 620 किलोग्राम हल्दी के उत्पादन करे हे अऊ स्थानीय बाजार म बेंचे गए हे। जेमां ए दीदी मन ल 30 हज़ार रूपिया के आमदनी होए हे। समूह के दीदी मन गौठान म ही उन्नत खेती करके आत्मनिर्भर बनके अर्थव्यवस्था ल सुधारे म अपन योगदान देवत हें। एखर से आमदनी अऊ रोजगार के नवा जरिया मिले हे। जेमां एक कोति रोजगार के अवसर मिलत हे उहें दुसर कोति महिला मन के शसक्तीकरण बर एक बेहतर विकल्प के रूप म ये काम ह उभरत नजर आवत हे। अब जिला के दूरस्थ क्षेत्र मन म घलोक सुराजी ग्राम योजना के सपना साकार होत जात हे।
लउछरहा..
किसान देवनाथ नायक पारंपरिक खेती ल छोड़के करत हे आधुनिक खेती
May 13, 2024 Surabhi Tiwari Comments Off on किसान देवनाथ नायक पारंपरिक खेती ल छोड़के करत हे आधुनिक खेतीसारंगढ़ बिलाईगढ़, 13 मई 2024। जिला के बरमकेला विकासखंड के ग्राम पंचायत देवगांव के देवनाथ नायक...सड़क खोदइया नक्सली मन ह करिन सरेंडर
दंतेवाड़ा, 13 May 2024। लोन वर्राटू अभियान के तहत दू माओवादी मन ह दंतेवाड़ा पुलिस के...23 नक्सली मन करिन आत्मसमर्पण
दंतेवाड़ा, 29 अप्रैल 2024। हिंसा के रद्दा छोड़के समाज के मुख्यधारा म सामिल होए अऊ लोन...