रायगढ़, 18 अक्टूबर 2020। जिंदल कंपनी के डिप्टी मैनेजर ले लूटपाट अऊ मारपीट करे के दू आरोपी ल पुलिस ह गिरफ्तार करिन हे। अन्य आरोपी मन ल घलो जल्द गिरफ्तार कर लेहे जाही।
पूंजीपथरा पुलिस थाना प्रभारी मनीष नागर ले मिले जानकारी के अनुसार जिंदल के डिप्टी मैनेजर अपन घर के डाहर जावत रिहिस। तभे रास्ता म आरोपी हिमांशु अऊ करण यादव अऊ तीन अन्य ह शराब के नशा म डिप्टी मैनेजर ल रोक लिस अऊ उंखर संग मारपीट करिन। जेखर बाद पांचो आरोपी बाइक अऊ मोबाइल लेके फरार होगे। मामला के शिकायत पुलिस म करे गिस जेखर बाद पुलिस खोजबीन करत हुए रायगढ़ निवासी दुनों आरोपी हिमांशु अऊ करण यादव तक पहुंचीस अऊ ओमन ल गिरफ्तार कर लेहे गे हे। मामला म तीन अन्य आरोपी मन घलो तलाश करे जावत हे।