रइपुर, 24 मार्च 2021 बुधवार। लोक स्वास्थ्य यांत्रिकी मंत्री गुरू रूद्रकुमार के निर्देश म छत्तीसगढ़ के गंवई क्षेत्र के रहवइया मन ल पेयजल उपलब्ध कराए बर जल जीवन मिशन कार्यक्रम के तहत सोलर ड्यूल पंप अउ पानी टंकी स्थापना के काम युद्ध स्तर म करे जावत हे। योजनांतर्गत जांजगीर-चांपा जिला के चयनित 200 गाव मन म पेयजल आपूर्ति बर तियारी करे गे हवय अउ कार्ययोजना के लहुए ले क्रियान्वयन करे जावत हावय। येमा ले 55 गांव मन म पेयजल सप्लाई बर आवश्यक अधोसंरचना तियार करके पेयजल के आपूर्ति शुरू कर देहे गे हे।
छत्तीसगढ़ राज्य अक्षय ऊर्जा विकास अभिकरण (क्रेडा) कोति ले जांजगीर-चांपा जिला के सबो विकासखंड मन म पेयजल पहुंचाए बर 12 मीटर ऊंचई म 10 हजार लीटर केे क्षमता वाले पानी टंकी अउ 1200 वाट क्षमता के सोलर ड्यूल पंप स्थापना के काम युद्ध स्तर म करे जावत हावय।
उल्लेखनीय हेे कि जांजगीर-चांपा जिला म क्रेडा डाहर ले अबड़ अकन मद म ले 200 ले अधिक बसाहट उपर 3 मीटर अउ 6 मीटर के ऊंचई म 5 हजार लीटर के क्षमता वाले पानी टंकी के स्थापना करके शुद्ध पेयजल के इंतजाम करे जा चुके हे।
