जोरातराई एडवेंचर पार्क म आयोजित गुड मॉर्निंग राजनांदगांव कार्यक्रम के बिहनिया रहीस खास

– लाफ्टर योग म लईका मन संग सब अबड़ हंसिस, अउ जंपिंग इवेंट म सब मन ह लगाईस लंबा छलांग
– जुम्बा डांस म लईका मन संग बडे़ मन ह घलो लिस आनंद
– उम्दा पिकनिक स्पॉट म आयोजित गुड मॉर्निंग राजनांदगांव कार्यक्रम म पार्क के ट्रायल रन म सब झन होइस शामिल
– ग्रामीण पर्यटन केन्द्र के रूप म करे गइस विकसित
– 100 दिन के कठिन परिश्रम के बाद बेहतरीन नवाचार अउ परिकल्पना ह लिस मूर्त रूप
– एक ही स्थान म एडवेंचर कैम्पिंग, बोंटिंग, क्रिकेट कोर्ट, वालीबॉल कोर्ट, फूड कोर्ट, प्ले एरिया, रिसोर्ट के सुविधा के संग ही खनिज पाठशाला रही विशेष आकर्षण
राजनांदगांव, जोरातराई एडवेंचर पार्क म आयोजित गुड मॉर्निंग राजनांदगांव कार्यक्रम के सुबह खास रहीस। लईका, युवा, बुजुर्ग, महिला अउ हर वर्ग के नागरिक र आयोजन म शामिल होइस। कलेक्टर श्री डोमन सिंह ह कहिस कि ग्रामीण पर्यटन केन्द्र के एक परिकल्पना करे गए रहिस हे। जेन ल 100 दिन म जिला पंचायत सीईओ अउ ओकर टीम ह कठिन परिश्रम ले पूरा करिस हे। इहां क्रिकेट नेट लगाए गए हे। जेकर ले क्रिकेट खेले म चोट नई लगय।
उल्लेखनीय हे कि जोरातराई एडवेंचर पार्क जिला के नवा पर्यटन केन्द्र के रूप म विकसित करे गए हे। वन चेतना केन्द्र मनगटा के तिर स्थित इस पार्क म एक ही स्थान म एडवेंचर कैम्पिंग, बोंटिंग, क्रिकेट कोर्ट, वालीबॉल कोर्ट, फूड कोर्ट, प्ले एरिया, रिसोर्ट के सुविधा के संग खनिज पाठशाला विशेष आकर्षण रही। जोरातराई एडवेंचर पार्क जिला प्रशासन के अभिनव पहल हमहे।