पत्रकार मन ह बजट म पत्रकार गृह निर्माण ऋण अनुदान के करिन स्वागत

महासमुंद, बजट म पत्रकार मन ल निजी घर निर्माण म सहयोग बर पत्रकार गृह निर्माण ऋण अनुदान योजना प्रारम्भ होए म प्रेस क्लब, महासमुंद के अध्यक्ष श्रीमती उत्तरा विदानी मुख्यमंत्री ल धन्यवाद देवत ये योजना ल पत्रकार मन बर उपयोगी बताइन। उमन कहिन एखर से पत्रकार मन ल अपन घर निर्माण म काफी मदद मिलही। उमन कहिन कि मुख्यमंत्री हर तबका के मनखे मन के खयाल रखत हें। ये बजट म घलोक उमन सबके ख्याल रखे हें। समवेत शिखर के ब्यूरो चीफ श्री बाबूलाल साहू ह घलोक पत्रकार मन बर घर योजना ल अच्छा बताइन। इलेक्ट्रॉनिक मीडिया के आशुतोष तिवारी, रेखराज शर्मा अऊ हकीमुद्दीन नासिर, सालिक राम कन्नौजे संग पत्रकार गण मन ह घलोक प्रतिक्रिया देवत कहिन कि पत्रकार मन के गृह निर्माण ऋण अनुदान योजना म 25 हजार गृह ऋण म ब्याज अनुदान प्रावधानित करे गए हे ये सहराए के लईक काम हे।