63 घर म नल कनेक्शन के संग होवत हे जलापूर्ति
गांव वाले मन ह मुख्यमंत्री ल दीन धन्यवाद
जशपुरनगर, मनोरा विकासखंड के ग्राम पंचायत बूमतेल के ग्राम कुजरी म मनखे मन ल हर घर जल मिलत हे। कुजरी जिला मुख्यालय ले लगभग 10 किलोमीटर के दूरी म हे। जिहां जल जीवन मिशन के अंतर्गत 63 घर म उच्चस्तरीय जलागार के माध्यम ले क्रियाशील घरेलू नल कनेक्शन के संग जलापूर्ति करे जात हे।
गांव के अशोक भगत ह बताइस के पहिली ओ मन पानी बर हैंड पंप उपर आश्रित रहिन, ओकरे से पानी भरत रहिन अब घर म नल लग गए हे। जेखर से पानी के समस्या दूर हो गए हे। उमन खुशी जाहिर करत मुख्यमंत्री श्री विष्णुदेव साय अऊ जिला प्रशासन ल धन्यवाद देहे हें।
मुख्यमंत्री श्री साय के मंशा के मुताबिक योजना के सुचारू संचालन करके पूरा गांव म हर घर तक पानी पहुंचाए अउ जम्मो काम पूरा हो जाय के बाद कुजरी गांव के हर घर जल सत्यापन कार्यक्रम होइस, जेमे गांव वाले मन उपस्थित रहि के अपन ख़ुशी अउ सहमति दरज कराइन। कुजरी के जम्मो रहवइया मन ल गांव के “हर घर जल‘‘ घोषित होए म लोक स्वास्थ्य यांत्रिकी विभाग जशपुर कोति ले हार्दिक बधाई देहे गीस।
जल जीवन मिशन कुजरी म मनखे मन ल मिलत हे हर घर जल
