गंभीर कुपोषित जुड़वा लईका मन होइस सुपोषित : पौष्टिक आहार अउ बिसेस देखभाल ले मिलिस सफलता

रायपुर, 12 सितंबर 2023
पौष्टिक आहार अउ बिसेस देखभाल ले कुपोषण ले मुक्ति पाए जा सकत हे। प्रदेश में पिछले चार साल में दू लाख 65 हजार लईका मन कुपोषण मुक्त होइस हे। इ कड़ी में जशपुर के बलुवाबहार गांव के श्रीमती ललिता बाई के गंभीर कुपोषित जुड़वा लईका मन ल कुपोषण के चक्र से बाहर लाए में सफलता मिलिस हे।
फरसाबहार विकाखण्ड के बलुवाबहार में गृह भेंट ब गए आंगनबाड़ी कार्यकर्ता अउ पर्यवेक्षक ल गंभीर कुपोषित जुड़वा लईका मन के बारे में जानकारी होइस। ओ ह बताइस कि श्रीमती ललिता बाई ह 20 दिसम्बर 2021 के जुड़वा लईका मन ल जनम दिस। जुड़वा लईका में एक बाबू अउ एक नोनी हे। जनम के समय नोनी अमृता के वजन 1.20 किलोग्राम अउ बाबू आयुष के वजन एक किलोग्राम रहिस। दूनों लईका मन जनम से ही गंभीर कुपोषित रहिस। आंगनबाड़ी कार्यकर्ता ले बिसेस निगरानी में श्रीमती ललिता ह दूनों लईका मन सुरू ले कंगारू मदर केयर के माध्यम ले दूध पिलाए, जादा से जादा गरम रखे, छै महिना पूरा होए के बाद ऊपरी आहार देहे जईसे निर्देश के पूरा-पूरा पालन करे गइस। एकर से नोनी के वजन में वृद्धि होइस हे अउ अब ओ ह सामान्य ग्रेड क आ गए हे। बाबू ह मध्यम ग्रेड क हे। बीच-बीच में बाल संदर्भ सेवा ह कार्यकर्ता द्वारा प्राथमिक स्वास्थ्य केंद्र ले जा के मां अउ लईका मन के स्वास्थ्य जांच करवाय गइस। लइका मन के शारीरिक विकास ब डॉक्टर के सलाह म ओमन ल प्रोटीन पाउडर घलो दिए गइस, जेकर लाभ उमन ल मिलिस। दूनों लईका मन ल पूरा तरिका से ठीक होए में दू बछर लग गइस। दूनों लईका मन स्वस्थ हे अउ आंगनबाड़ी केन्द्र स्कूलपरा में जाए लगे हे।
गौरतलब हे कि महिला एवं बाल विकास विभाग के द्वारा सब विकासखण्ड मन में बाल संदर्भ शिविर लगाए जाके कुपोषित लईका मन के पहिचान अउ इलाज करे जाथ हे। आंगनबाड़ी केंद्र मन में मुख्यमंत्री सुपोषण अभियान के तहत पोषक आहार अउ रेडी-टू-ईट गर्भवती माता मन अउ लईका मन ल दिए जाथ हे। कार्यकर्ता, सहायिका मन के द्वारा गृह भेंट करके कुपोषित लईका मन के वजन वृद्धि में निगरानी रखे जाथ हे। महिला मन ल पौष्टिक भोजन, पोषण आहार अउ अपन बाड़ी में हरियर साग-सब्जि लगाए ब घलो प्रेरित करे जाथ हे।