मुख्यमंत्री श्री विष्णु देव साय ले जु-जित्सु खिलाड़ी मन ह करिन मुलाकात

रायपुर, 31 अगस्त 2024। मुख्यमंत्री श्री विष्णु देव साय ले काली मंत्रालय महानदी भवन म जु-जित्सु खिलाड़ी सुश्री सानिया परवीन अऊ सुश्री शबा परवीन ह मुलाकात करिन। ए खिलाड़ी मन ह मध्य प्रदेश के देवास म 19 ले 21 जुलाई तक आयोजित राष्ट्रीय स्तर की  पहिली वेस्ट जोन जु-जित्सु चैंपियनशिप 2024 म गोल्ड, सिल्वर अऊ ब्राँज मेडल संग कुल चार पदक जीते हे। सानिया परवीन ह 21 साल आयु वर्ग म जु-जित्सु कॉन्टेक्ट म सिल्वर अऊ जु-जित्सु फाइटिंग स्पर्धा म ब्रांज मेडल अउ शबा परवीन ह अंडर 16 आयु वर्ग म जु-जित्सु कॉन्टेक्ट म सिल्वर मेडल अउ अंडर 18 आयु वर्ग म जु-जित्सु फाइटिंग स्पर्धा म गोल्ड मेडल जीते हे। ए खिलाड़ी मन ह मुख्यमंत्री श्री साय ल अपन उपलब्धि मन के बारे म जानकारी दीन। मुख्यमंत्री श्री साय ह ए खिलाड़ी मन के शानदार उपलब्धि मन बर ओ मन ल बधाई  अऊ शुभकामना देवत ऊंखर उज्जवल भविष्य के कामना करिन।

जानबा हे कि सुश्री शबा परवीन ह अपन जन्मदिन 19 जुलाई के अंडर 16 आयु वर्ग के स्पर्धा म सिल्वर मेडल अउ अगले दिन 20 जुलाई ल अंडर 18 आयु वर्ग के स्पर्धा म गोल्ड मेडल जीते हे। ए बेरा म ए खिलाड़ी मन के पिता श्री लतीफ मोहम्मद घलोक उपस्थित रहिन।