- करीबन 50 एकड़ म बने चिड़ियाघर म आइस नवा मेहमान
- दिखही सफेद शेर, रॉयल बंगाल टायगर, शेर, हिमालयन बियर, हिप्पोपोटेम्स
रायपुर, मुख्यमंत्री श्री भूपेश बघेल ह वन्य प्राणी सप्ताह के समय आज नवा रायपुर अटल नगर स्थित नंदनवन जंगल सफारी म चिड़ियाघर (जू) के लोकार्पण करिन। आज उदघाटन होए जंगल सफारी चिड़ियाघर म वन्य प्राणी मन बर कुल 37 बाड़ा होही। करीबन 50 हेक्टेयर क्षेत्र म विकसित करे जात ए चिड़ियाघर म अभी 11 बाड़ा बनाए गे हे। चिड़ियाघर म प्राकृतिक परिवेश म दू व्हाइट टाइगर, 4 लायन, 2 रायल बंगाल टाइगर, 2 लेपर्ड, 2 हिमालयन बियर, 2 हिप्पोपोटेमस, 2 घड़ियाल, 20 ताजा पानी म वाला कछुवा, 4 बेंगाल मॉनिटर लिजार्ड, 13 स्टार कछुवा, 8 क्रोकोडायल अलग-अलग बाड़ा म रखे गे हे।
मुख्यमंत्री श्री भूपेश बघेल ह ए अवसर म कहिन कि राज्य सरकार वन्य प्राणी मन अऊ वन के संरक्षण अउ संवर्धन बर दृढ़ संकल्पित हे। वन विभाग कोति ले विकसित जंगल सफारी अऊ चिड़ियाघर देश म अनूठा हे। भविष्य म इहां अऊ नवा वन्य प्राणी आही। वन्य प्राणी मन बर सुविधा विकसित करे जाही। इहां अवइया पर्यटक मन बर घलोक अच्छा व्यवस्था करे जाही। मुख्यमंत्री ह सफारी जू म अलग-अलग वन्य प्राणी मन बर बनाय गए बाड़ा मन के घलोक लोकार्पण करिन।
वन मंत्री श्री मोहम्मद अकबर, नगरीय विकास मंत्री डॉ. शिव डहरिया, विधायक सर्वश्री धनेन्द्र साहू, श्री कुलदीप जुनेजा, पूर्व विधायक श्री चुन्नी लाल साहू, अपर मुख्य सचिव श्री आर. पी. मंडल, प्रधान मुख्य वन संरक्षक श्री राकेश चतुर्वेदी, प्रधान मुख्य वन संरक्षक (वन्य प्राणी) श्री अतुल कुमार शुक्ला संग विभागीय अधिकारी ए अवसर म उपस्थित रहिन।
ए साल नंदनवन जू म सात नवा बाड़ा बनाए जाही, जेमा ब्लैक बक, लकड़बग्घा, लोमड़ी, सियार, नील गाय, बार्किंग डियर अऊ सांभर रखे जाही। हम आप ल बताप देवन कि नवा रायपुर स्थित जंगल सफारी लगभग 270 हेक्टेयर म विकसित करे गए हे, जेमां प्राकृतिक परिवेश म शाकाहारी वन्य प्राणी, 125 चीतल, 50 ब्लैकबक , 20 सांभर, 9 बार्किंग डियर, 20 नील गाय, 5 भालू अऊ 2 भालू के लइका, 4 टाइगर अऊ 7 लायन अभी हाल म हे।
नंबर 2863