जंगल जतरा 2024
मुख्यमंत्री ह समूह के महिला मन ल बांटिन चेक
कोंडागांव, 12 मार्च 2024। Raipur: Light came into the lives of women of Ujala Group, received a check of Rs 30.80 lakh from CIF.Raipur: Light came into the lives of women of Ujala Group, received a check of Rs 30.80 lakh from CIF.
प्रदेश के मुखिया श्री विष्णुदेव साय आज जिला मुख्यालय कोंडागांव म वन विभाग के तत्वावधान म आयोजित जंगल जतरा 2024 कार्यक्रम म पहुंचे रहिन। ए बेरा म उमन कई ठन हितग्राहीमूलक योजना मन के तहत चेक अउ समान मन के वितरित करिन|
कोंडागांव जिला के केशकाल के उजाला स्व-सहायता समूह के क्लस्टर सचिव श्रीमती ताराबाई नेताम ह बताइस कि मुख्यमंत्री श्री विष्णुदेव साय के हाथ ऊंखर समूह ल बिहान योजना के तहत 30 लाख 80 हजार रुपिया के चेक मिलीस। वो ह बताइस कि ऊंखर समूह के महिला मन सब्जी उत्पादन, मुर्गीपालन, मछ्ली पालन, किराना व्यवसाय ले जुड़े हें अऊ ए समूह ल बहुत लाभ मिलत हे। श्रीमती नेताम ह बताइस कि ए राशि ले ऊंखर व्यवसाय ल अऊ जादा सम्बल, मजबूती मिलही अऊ ओ मन आत्मनिर्भरता के दिशा म अऊ आगू बढ़ पाहीं।
अइसनहे फरसगांव के लंजोड़ा के आंचल महिला संकुल संगठन के अध्यक्ष जानकी पांडे ह बताइस कि ओ मन ल 25 लाख 80 हजार रुपिया के चेक सीआईएफ के तहत आज मिलिस। समूह के महिला मन गौपालन, मुर्गीपालन, मछलीपालन, बाजार के ठेका लेहे, गल्ला व्यापार आदि के काम करत हें। ए कारोबार ल अऊ जादा विस्तारित करे म ये राशि मील के पत्थर साबित होही। एखर अलावा आन उत्कृष्ट कलस्टर अऊ समूह मन के महिला सदस्य मन ल सीआईएफ के तहत मुख्यमंत्री ह चेक बांटिन।
