जंगल जतरा महासम्मेलन
तेंदूपत्ता संग्राहक मन के लइका मन के चेहरा म खिलत हे मुस्कान
कोंडागांव, 12 मार्च 2024। जंगल जतरा महासम्मेलन कोंडागांव म पहुंचे कुमारी कमलवती अऊ मनीषा के आंखी म भविष्य के सपना तउरत हे। दुनों चेहरा म मुस्कान अऊ दिल म उमंग लेहे महासम्मेलन म भाग लेहे पहुंचे रहिन। कमलवती अऊ मनीषा ह बताइस कि दुनों मन लगाके पढ़ाई करत हें। दुनो के परिवार ह तेंदूपत्ता के संग्रहण करथे। राज्य सरकार के ए अड़बड़ महत्वपूर्ण योजना के अंतर्गत कहूं लइका कक्षा 10वीं कक्षा म 75 प्रतिशत ले जादा अंक के संग उत्तीर्ण होथे त ओ मन ल 15 हजार रुपिया के छात्रवृत्ति मिलथे।
इही योजना के लाभ दुनो बालिका मन ल मिले हे। दुनों ह अड़बड़ मेहनत करके 76 अऊ 78 प्रतिशत अंक अर्जित करके छात्रवृत्ति के हकदार बने हें। राज्य म नवा सरकार गठन के बाद ये छात्रवृत्ति ऊंखर खाता म भेज देहे गए हे।
कमलवती अऊ मनीषा अभी कक्षा 11वीं कक्षा म विज्ञान विसय लेके पढ़ाई करत हे। कमलवती ह बताइस कि वो ए राशि ले 11वीं बर जरूरी पुस्तक अऊ अध्ययन सामान लेहे हे। ओ ह भविष्य म डॉक्टर बनना चाहथे। ओखर कहना हे 12वी म 75 प्रतिशत अंक लाके 25 हजार के छात्रवृत्ति पाही। अइसनहे कुमारी मनीषा घलोक 11वीं के पढ़ाई विज्ञान विसय लेके करत हे। वो प्रोफेसर बनना चाहथे। ओखर कहना हे राज्य सरकार के ए योजना ले ओ मन ल खरचा के चिंता नइ हे। में पढ़ाई करना चाहथंव। अब राज्य सरकार मोर ए सपना ल साकार करही।
