मुख्यमंत्री ह जस्टिस श्री आलम ले करिन सौजन्य मुलाकात

रायपुर, मुख्यमंत्री श्री भूपेश बघेल ह सुप्रीम कोर्ट के सेवानिवृत्त जज अऊ छत्तीसगढ़ पत्रकार सुरक्षा कानून समिति के अध्यक्ष जस्टिस श्री आफताब आलम ले स्‍वामी विवेकानन्द एयरपोर्ट म सौजन्य मुलाकात करिन।
सुप्रीम कोर्ट के सेवानिवृत्त जज अऊ छत्तीसगढ़ पत्रकार सुरक्षा कानून समिति के अध्यक्ष जस्टिस आफताब आलम अम्बिकापुर ले स्टेट प्लेन ले रायपुर पहुंचिन। रायपुर ले ओ मन ल संझा 7.40 के फ्लाइट ले दिल्ली जाना रहिस। मुख्यमंत्री भूपेश बघेल ल सूचना मिलीस त ओ मन मंत्रालय ले सीधा एयरपोर्ट आ पहुंचिन। ये शिष्टाचार भेंट रहिस। ये दौरान जस्टिस आलम ह मुख्यमंत्री ल अपन तीन दिन के छत्तीसगढ़ दौरा के बारे म बताइन। श्री बघेल ह श्री आलम ल धन्यवाद दीन अऊ ये घलोक कहिन कि पत्रकार मन के सुरक्षा उंखर सरकार के बड़का चिंता हे अऊ ये प्रस्तावित कानून पूरा देश के आगू एक उदाहरण होही।