कोरबा, 13 जुलाई 2024। न्यायाधिपति श्री गौतम भादुड़ी न्यायाधीश छत्तीसगढ़ उच्च न्यायालय बिलासपुर अउ कार्यपालक अध्यक्ष छत्तीसगढ़ राज्य विधिक सेवा प्राधिकरण बिलासपुर ह आज कोरबा के जिला सत्र न्यायालय परिसर म विधिक जागरूकता पखवाड़ा के शुभारंभ करिन। उमन अधिवक्ता संघ कोति ले विधिक जागरूकता पखवाड़ा अंतर्गत आमजन ल देश मे लागू होए नवा कानून के जानकारी देहे बर संचालित करे जात निःशुल्क सहायता अउ मार्गदर्शन केंद्र के सराहना करिन। उमन कहिन कि कानून म होए बदलाव के संबंध म आमजन ल जागरूक करना एक अभिनव पहल हे। देश मे लागू होए नवा कानून के संबंध म सबो ल जानकारी होए ले नवा कानून ल समझे अउ न्याय मिले म आसानी होही। ए अवसर म जिला सत्र न्यायाधीश श्री सत्येंद्र कुमार साहू, जिला अधिवक्ता संघ के अध्यक्ष श्री गणेश कुलदीप संग न्यायाधीशगण, अधिवक्ता संघ के पदाधिकारी अउ अधिवक्तागण उपस्थित रहिन।
न्यायाधिपति श्री गौतम भादुड़ी ह विधिक जागरूकता पखवाड़ा के करिन शुभारंभ
