गौठान के बाड़ी म आलू के होवत हे बंपर उत्पादन

पस्ता गौठान म ज्योति महिला स्व सहायता समूह ह करिस 50 क्विंटल ले जादा आलू उत्पादन
सूरजपुर, राज्य सरकार के महत्वकांक्षी योजना नरवा, गरवा, घुरवा, बाडी योजना के तहत रामानुजनगर विकासखण्ड के ग्राम पंचायत मन म गौठान म बाड़ी विकसित करे जात हे। गौठान म मल्टी एक्टिविटी सेन्टर के माध्यम ले ग्रामीण महिला मन के आजीविका चलत हे। सूरजपुर जिला के जनपद पंचायत रामानुजनगर के ग्राम पंचायत पस्ता गौठान म ज्योति महिला स्‍व सहायता समूह गौठान के बाड़ी म 50 क्विंटल ले जादा आलू के बंपर उत्पादन करे हे। आलू के बिक्री ले 1 लाख ले जादा के आमदनी होए हे अऊ अभीन बाड़ी म आलू के खोदई बांचेच हे।
गौठान मन के माध्यम ले ग्रामीण महिला मन अऊ पशुपालक मन ल नियमित रूप ले रोजगार मिलत हे। एखर संगेच गोधन न्याय योजना के तहत गोबर बेचके धनार्जन तको होवत हे, उहें ज्योति महिला स्व सहायता समूह के महिला मन 31640 किलोग्राम वर्मी खाद निर्माण करे हे जेमां ले 25640 किलोग्राम खाद बेंच डरे हें, जेखर से 256400 रूपिया के आमदनी होए हे। गौठान मन म साग-सब्जी के खेती घलोक करे जात हे, जेन उंखर अकतहा आय के स्रोत बन गए हे। ग्राम पंचायत पस्ता गौठान के ज्योति समूह के महिला मन ह बताइन कि गौठान म मल्टी एक्टिविटी के अंतर्गत मुर्गी पालन के काम करे जात हे एखर संगेच उंखर आन आजीविका काम घलोक चलत हे।