मुख्यमंत्री के तुरते कार्यवाही ले खुश हे कबिलासो दाई
रायपुर, रामानुजगंज विधानसभा क्षेत्र के ग्राम डौरा के भेंट-मुलाकात सभा म काली मुख्यमंत्री श्री भूपेश बघेल ह जेन सियनहिन कबिलासो दाई के मांग म ओखर तुरते राशन कार्ड बनवाए रहिन, ओ ल आज राशन घलोक मिल गे। ग्राम कोचली के निवासी कबिलासो दाई ह काली मुख्यमंत्री ले राशन कार्ड बनवाए के अनुरोध करे रहिस, मुख्यमंत्री श्री बघेल ह मौका म ही राशन कार्ड बनवा के ओ मन ल सौंप दीन। 67 बछर के कबिलासो दाई ल नवा अंत्योदय राशन कार्ड म आज वोखर गांव के राशन दुकान ले निःशुल्क 40 किलो चावल, 10 रुपए म 2 किलो चना, 17 रुपए म एक किलो शक्कर अऊ 02 किलो नमक निःशुल्क प्रदान करे गीस। मुख्यमंत्री श्री भूपेश बघेल अभी भेंट-मुलाकात अभियान के तहत छत्तीसगढ़ के सबो 90 विधानसभा क्षेत्र मन के दौरा म हे। उमन एखर शुरुआत सरगुजा के विधानसभा क्षेत्र मन ले करे हे। काली ओ मन रामानुजगंज विधानसभा क्षेत्र के दौरा म रहिन।
