बैगा जनजाति ल विकास के मुख्य धारा ले जोरे खातिर सरलग उदीम होवत हे: मंत्री श्री मोहम्मद अकबर
चयनित बैगा युवक-युवति मन के संगेच ऊंखर अभिभावक मन ह छत्तीसगढ़ सरकार के प्रति जताइन आभार
रायपुर, वन मंत्री श्री मोहम्मद अकबर ह प्रदेश के कबीरधाम जिला के बैगा जनजाति के 111 युवक-युवति मन ल आज कवर्धा के कलेक्टोरेट कार्यालय के सभाकक्ष म आयोजित कार्यक्रम म शाला संगवारी के रूप म चयनित युवा मन ल प्रमाण पत्र वितरण करिन अऊ ऊंखर उज्ज्वल भविष्य के कामना करत ओ मन ल बधाई अउ शुभकामना दीन।
वन मंत्री श्री अकबर ह ये बेरा म कहिन कि मुख्यमंत्री श्री भूपेश बघेल के सियानी म छत्तीसगढ़ सरकार कोति ले सामाजिक, आर्थिक अऊ शैक्षणिक रूप ले पिछड़े विशेष पिछड़ी जनजाती मन के सामाजिक उत्थान के दिशा म ये वर्ग के पढ़े-लिखे युवक-युवती मन ल चतुर्थ अऊ तीसर वर्ग शासकीय नौकरी म सीधा भर्ती करे के निर्णय लेहे गए हे। उमन कहिन कि शाला संगवारी के रूप म स्थानीय स्तर म रोजगार मिले ले विशेष पिछड़ी बैगा जनजाति वर्ग के युवक-युवती मन म उत्साह देखे जात हे। जिला प्रशासन स्तर म ये कदम ऊंखर जीवन उत्थान के दिशा म सकारात्मक कदम साबित होही।
वन मंत्री श्री मोहम्मद अकबर ह चुने गए युवक युवती मन ल शाला संगवारी के प्रमाण पत्र प्रदान करत कहिन कि छत्तीसगढ़ के नवा सरकार जऊन कहिथे तेला पूरा घलोक करथे। उमन कहिन कि प्रदेश म निवासरत अति पिछड़ी जनजाति वर्ग के शिक्षित युवक-युवती मन ल शिक्षा अऊ विकास के मुख्यधारा म सामिल करना राज्य सरकार के प्राथमिकता म सामिल हे। छत्तीसगढ़ सरकार ह ये वर्ग के युवक-युवति मन ल रोजगार देके ओ मन ल मुख्यधारा ले जोड़े के शुरूआत कबीरधाम जिला ले कर देहे हे।
वन मंत्री ह कहिन कि डीएमएफ के राशि ले शासकीय अस्पताल मन म स्वास्थ्य सुविधा मन के उन्नयन अऊ ओ मन ल प्रभावी बनाए बर, संसाधन मन के उपलब्धता बनाए, स्कूल मन म शिक्षक मन के कमी दूर करे अऊ खनन अऊ संबंध गतिविधि मन म प्रत्यक्ष अथवा अप्रत्यक्ष प्रभावित इलाका मन के परिवार के सदस्य मन ल नर्सिंग, चिकित्सा शिक्षा, इंजीनियरिंग, निधि प्रबंधन, जादा शिक्षा, व्यावसायिक शिक्षा, तकनीकी शिक्षा, शासकीय संस्था, महाविद्यालय मन अऊ विश्वविद्यालय मन म शैक्षणिक शुल्क अऊ छात्रावास शुल्क के भुगतान के संग सबो प्रकार के प्रतियोगी परीक्षा मन के कोचिंग अऊ आवासीय प्रशिक्षण के समुचित व्यवस्था करे जात हे।
जिला शिक्षा अधिकारी श्री राकेश पांडेय ह बताइस कि ये साल शिक्षकविहीन व एकल शिक्षकविहीन स्कूल मन म माध्यमिक स्कूल के 8, हाईस्कूल के 4 अऊ प्राथमिक स्कूल के 99 स्कूल मन म शाला संगवारी के रूप म चयन करे गए हे। ये बेरा म कलेक्टर श्री जन्मेजय महोबे, पुलिस अधीक्षक श्री लाल उम्मेद सिंह, नगर पालिका अध्यक्ष श्री ऋषि कुमार शर्मा, क्रेडा सदस्य श्री कन्हैया अग्रवाल, जिला पंचायत उपाध्यक्ष प्रतिनिधि श्री होरी लाल साहू, श्री नीलकंठ चन्द्रवंशी, बैगा समाज के प्रदेश अध्यक्ष श्री इतवारी बैगा, जिला अध्यक्ष श्री कामू बैगा संग आन जनप्रतिनिधि विशेष रूप ले उपस्थित रहिन।
चयनित शाला संगवारी मन के नाव ये प्रकार हे-
सुबेसिंह, खेम मेरावी, रमेश कुमार धुर्वे, मीना, सुनऊ सिंह, श्रीमती गंगोत्री, पंचवती, खुजुर सिंह, सुखदेवी, हिरदु सिंह बैगा, धरम सिंह, शत्रुहन, करन सिंह, रामप्रसाद, सम्मल सिंह, राजेश कुमार बैगा, ईश्वर सिंह, तेजेश्वी, रतन सिंह धुर्वे, दिनेश, जगमोहन धुर्वे, गायत्री पिंडुलिया, सुखबती, राजकुमार, कु. जानकी धुर्वे, संजू कुमार मेरावी, टेकवंतीन धुर्वे, दिलीप कुमार, केशव प्रसाद, सोना बाई, नीतेश कुमार, सोनसिंह, चन्द्रबती, तिजऊ राम, सुकसिंह, भगतिन, तिजिया, सुखदेव राम, प्रेम सिंह, अजय सिंह मेरावी, गणेश कुमार मेरावी, बुध सिंह, सीमा, बरसाती, कृष्णा कुमार, पंचवती मरावी, ममता, बुधराम धु्रर्वे, रामसिंह बैगा, रामाधीन, मनबोधी, जनिया बैगा, दुकलू राम, ललित कुमार बैगा, जय सिंह बैगा, सोनराज, चैनसिंह, तिहारी, अमरित लाल, श्रीमती बिरसो बाई, राम कुमार, मान बैगा, संतोष कुमार बैगा, श्रीमती सरोज, ओमप्रकाश, शिवराम, मोतीलाल बैगा, मुंगेल सिंह, गन्नू राम, हिरऊ राम, परसादी, श्रीमती चम्पाबाई, अमित कुमार बैगा, शिवकुमारी, समली, सिरऊ राम, सजनू बैगा, श्रीमती लता धुर्वे, राजेन्द्र मेरावी, श्रीमती समारी, मुन्ना सिंह धु्रर्वे, जाम बाई, तुलसी राम, कांशीराम, शंकरलाल, फूलबाई, संतराम बैगा, शन्ती, हिरौन्दा, लक्ष्मी धुर्वे, शिकारी, विरेन्द्र कुमार, धनसिंह, सुकलू सिंह, सियाराम, मोतीराम, जगनी बैगा, संतोषी मेरावी, घुरवा राम धुर्वे, सुकल सिंह, चरनू सिंह, सुरेश कुमार मेरावी, कंवल राम छेदावी, मुकेश कुमार बैगा, कोदूराम धुर्वे, जयसिंह, बुधलाल, कृष्णा सिंह, मानसिंह, धनसिंह, राजाराम सामिल हे।
