कबीरधाम, मुख्यमंत्री श्री भूपेश बघेल ह कबीरधाम जिला के भेंट- मुलाकात प्रवास के बेरा म आज कवर्धा शहर के राष्ट्रीय राजमार्ग नंबर 30 के सकरी नदी म 9 करोड़ 10 लाख के लागत ले बने उच्च स्तरीय पुल के लोकार्पण करिन। मुख्यमंत्री ह ये बेरा म कहिन कि ये पुल ये जिला म विकास के नवा इबारत लिखही अऊ संपर्क क्रांति लाही। सकरी नदी म बने ये पुल शहर के सबले ऊंच पुल ये। एखर बन जाय के बाद मध्यप्रदेश के जबलपुर, मंडला, रायपुर, मार्ग अऊ राज्य के निकटतम जिला मुंगेली, बेमेतरा, बिलासपुर मुख्यालय बर बारहमासी संपर्क बने रहिही। नवा बने उच्च स्तरीय पुल के निर्माण होए ले बारिश के मौसम म अब मध्यप्रदेश संग निकटतम जिला मुंगेली, बेमेतरा ले संपर्क बने रहिही। एखर से बारा महीना आवागमन के सुविधा मिलही। नवा पुल बने ले खुश शहर के मनखे मन ह जुन्ना मांग पूरा होए म मुख्यमंत्री के प्रति आभार व्यक्त करिन।
सकरी नदी म बने उच्च स्तरीय पुल के मुख्यमंत्री ह करिन लोकार्पण
