‘सेवा संकल्प अभियान’ अउ आजीविका डबरी ले बदलिस रामभजन के परिवार के जिनगी, सब्जी अउ मछली पालन ले मिलिस मजबूत सहारा

CHHATTISGARHI NEWS: कबीरधाम, जिला के जनपद पंचायत बोड़ला के अंतर्गत ग्राम पंचायत पोड़ी निवासी रामभजन ह ‘सेवा संकल्प अभियान’ अउ विकसित भारत रोजगार अउ आजीविका खातिर गारंटी मिशन ग्रामीण योजना के तहत बनवाय गए आजीविका डबरी के माध्यम ले अपन परिवार के जिनगी ल बदल डारे हवय। पहिली रामभजन तीर लगभग 50 डिसमिल जमीन सिंचाई के साधन नइ होए के सेती खाली परे रहत रहिस, जेकर सेती साल भर म केवल 8,000 से 10,000 रुपिया तक ही आय हो पावत रहिस।
योजना के तहत 1.80 लाख रुपिया के लागत ले आजीविका डबरी बने के बाद ओ ल रोजगार के संगे-संग सिंचाई के पक्का साधन मिल गे हे। ए निर्माण कार्य म 1 लाख 66 हजार रुपिया के मजदूरी भुगतान होइस अउ 697 मानव दिवस रोजगार के सृजन होइस। डबरी बन जाए के बाद ले रामभजन अपन खेत म बरबट्टी, टमाटर, लौकी, भिंडी, कद्दू, फूल गोभी, गवारफ़ली, केला, करमत्ता भाजी अउ धनिया जइसे आन-आन प्रकार के साग-भाजी के खेती करत हवय। अब ओ ह गाँव के तीर पोड़ी बाजार म जैविक साग ल बेचथे, जेखर से ओ ल हर हफ्ता 800 से 900 रुपिया अउ महिना म कम से कम 3,500 ले 4,000 रुपिया की कमाई होत हवय।
एकरे संगे-संग डबरी म मछली पालन के काम घलो सुरू करे हे, जेकर से हर बछर लगभग 60,000 से 70,000 रुपिया के उपरहा आमदनी के उम्मीद हे। शासन के ए जनकल्याणकारी योजना अउ जल संरक्षण के पहल ले रामभजन के परिवार के आर्थिक स्थिति मजबूत हो गे हे अउ ओ आत्मनिर्भरता के रद्दा म आघू बढ़त हवय।