कड़नाथ मुर्गी पालन ले बगीया गौठान के रानी स्व सहायता समूह बर खुलिस बनेच आमदनी के जरिया

जशपुरनगर, 10 मार्च 2021। जशपुर जिला के भितरी कोति दुरिहा-हुरिहा के गांव मन म रहवईया स्व सहायता समूह के महिला मन आर्थिक रूप ले आत्मनिर्भर बने के उदीम करत हें। इही कड़ी म कांसाबेल विकास खण्ड के बगीया गौठान म रानी स्व सहायता समूह के महिला मनॅ 12 कड़कनाथ मुर्गी पालन करत हें अऊ आर्थिक आमदनी घलोक अर्जित करत हें।
कांसाबेल के मुख्य कार्यपालन अधिकारी श्री एल.एन. सिदार के मार्गदर्शन म बगीया गौठान म स्व सहायता समूह के महिला मन मुर्गी पालन ले जुड़े हेे। इमन ल छत्तीसगढ़ शासन कोति ले अनुदान राशि के रूप म 1 लाख रूपिया अऊ छ.ग. राष्ट्रीय ग्रामीण आजीविका मिशन बिहान कोति ले कड़नाथ मुर्गी पालन बर 60 हजार रूपिया के राशि देहे गए हे अऊ सक्रिय राशि के रूप म 15 हजार रूपिया देहे गए हे। ए प्रकार ले इमन ल कुल 1 लाख 75 हजार के सहायता राशि के मदद करे गए हे। ए सब ले इंकर मन बर अब कड़कनाथ मुर्गी पालन करके बने आमदनी कमाए जरिया खुल गए हे। विकास खण्ड परियोजना प्रबंधक, राष्ट्रीय ग्रामीण आजीविका मिशन बिहान श्री कमलेश कुमार श्रीवास ह बताइस कि बिहान ले जुड़े महिल मन ल छ.ग. शासन के योजना मन ले लाभांवित घलोक करे जात हे। ओ मन ल बटन मशरूम उत्पादन अऊ पोल निर्माण के काम ले घलोक जोड़े गए हे।