केरलापाल म बांटे गीस कड़कनाथ के चिंया

सुकमा, 18 नवंबर 2020। गरीबी उन्मूलन योजना के अन्तर्गत महिला स्व-सहायता समूह मन ल आत्मनिर्भर बनाए बर पशुधन विकास विभाग जिला सुकमा के ग्राम पंचायत केरलापाल म दस स्व-सहायता समूह मन ल एक-एक महिना के 100-100 नग कड़कनाथ चिंया अऊ दाना बांटे गीस। ये बेरा म समूह के महिला मन ल कुकरी (मुर्गी) पालन के संबंध म प्रशिक्षण घलोक दे गीस, जेखर से ओ मन ल अपन आय म वृद्धि के संगें-संग आर्थिक स्थिति सदृढ़ करे म सहायता मिलही। ये दौरान महिला मन ल कड़कनाथ कुकरी (मुर्गी) के पूरा जानकारी देहे गीस। जेखर माध्यम ले व्यवसाय शुरू करके आर्थिक लाभ अर्जित करे जा सकय।
पशुधन विकास विभाग के उप संचालक डॉ. एस जहीरूद्दीन ह बताइस के विशिष्ट स्वाद अऊ पौष्टिक तत्व के सेती कड़कनाथ प्रजाति के मुर्गा-मुर्गि मन के बनेच मांग हे अऊ कई प्रकार के रोगी मन बर ये फायदेमंद तको हे। उपसंचालक डॉ.एस जहीरूदीन ह पहिली समूह के महिला मन ल कड़कनाथ चिंया मन ले संबंधित रख रखाव, बीमारी म परयोग होवइया दवा आदि के जानकारी घलोक दीन।