मुख्यमंत्री ह जुड़वा बहिन मन ल भेंट करिस सुपोषण किट

बलौदाबाजार, मुख्यमंत्री श्री भूपेश बघेल ज आज प्रदेशव्यापी भेंट-मुलाकात कार्यक्रम म बलौदाबाजार जिला के भाटापारा विधानसभा के गांव कड़ार म कुपोषण पीड़ित साढ़े तीन साल के दू झन जुड़वा बहिन पुष्पा अउ रूबी ल सुपोषण किट भेंट करिस। मुख्यमंत्री ह ओकर माँ श्रीमती लीला साहू ल लईका मन के ख़ास ख्याल रखे अउ शासन के मुख्यमंत्री सुपोषण योजना के संग महिला अउ बाल विकास के विभागीय योजना के घलो लाभ लेहे के बात कहीस।
जुड़वा लईका के माँ श्रीमती लीला साहू ह बताइस कि पैदा होए के बाद लईका मन के पिता के देहांत हो गइस। ओ ह कईसे भी कर के लईका मन ल पालत पोसत हे। शासन के योजना के लाभ मिलत हे। राशन भी समय म मिल जाथे। दूनों लईका मन आंगनबाड़ी केंद्र जाथे । आंगनबाड़ी म गरम पौष्टिक भोजन मिले ले पहिली के अपेक्षा लईका मन के वजन ह बाढ़त हे। कुपोषण कम होइस हे। ओमन के उहां समय-समय म नियमित स्वास्थ्य के जांच घलो होथे।