मुख्यमंत्री ह ‘‘कहत कबीर’’ पुस्तक के करिस विमोचन

रायपुर, मुख्यमंत्री श्री भूपेश बघेल ह आज इहां अपन निवास कार्यालय म सन्त कबीर के दोहा मन उपर केंद्रित पुस्तक ‘‘कहत कबीर’’ के विमोचन करिस। कबीर विकास संचार अध्ययन केन्द्र, कुशाभाऊ ठाकरे पत्रकारिता अऊ जनसंचार विश्वविद्यालय रायपुर कोति ले प्रकाशित ये पुस्तक म पहली पईत सन्त कबीर के 24 लोकप्रिय दोहा मन ल कार्टून के माध्यम ले व्यक्त करे गए हे।
मुख्यमंत्री श्री बघेल ह ये पुस्तक म होए नवा उदीम ल सहरावत कहिन कि सन्त कबीर के संदेश ल जन-जन तक पहुंचाए म ये पुस्‍तक सार्थक साबित होही। उमन पुस्तक के प्रकाशन म कबीर शोध संस्थान के अध्यक्ष श्री कुणाल शुक्ला संग उपस्थित सबो मनखे मन ल बधाई अऊ शुभकामना दीन। ये बेरा म कार्टूनिस्ट श्री त्रयम्बक शर्मा, श्री अभिषेक प्रताप सिंह, श्री राकेश दासवानी अऊ श्री मोहम्मद फिरोज उपस्थित रहिन। श्री कुणाल शुक्ला ह मुख्यमंत्री ल बताइस कि ये पुस्तक म संत कबीर के 24 दोहा उपर म आधारित 24 व्यंग फोटू हे, जेन अनूठा हे। नवा पीढ़ी ल कबीर के दोहा ल समझे म ये पुस्तक सहयोगी साबित होही।