लइका के उपचार बर पिता रतन लाल यादव ह मुख्यमंत्री ल आभार प्रकट करिस
रायपुर, जानबा हे के रतन लाल यादव ह अपने चार महीना के बेटा सिद्धार्थ के इलाज बर ट्विटर म मुख्यमंत्री भूपेश बघेल ले गिलौली करे रहिस। ये बात म मुख्यमंत्री ह तुरते रतन लाल के ट्वीट ल रिट्वीट करत लिखिन के आप फिकर झन करव आपके लईका के जिम्मेदारी अब सरकार के हे। एकर बाद राज्य नोडल एजेंसी छत्तीसगढ़ के अंतर्गत संचालित आयुष्मान भारत प्रधानमंत्री जन आरोग्य योजना डॉ खूब चंद बघेल स्वास्थ्य सहायता योजना, मुख्यमंत्री विशेष स्वास्थ्य सहायता योजना के मध्यम ले जल्दी कार्रवाई करत केअर हॉस्पिटल हैदराबाद के चिकित्सक मन ले चर्चा करके उपचार के व्यवस्था करा देहे गीस।
लउहे होए ए कारवाही के बारे म बतात रतन लाल ह कहिस के पहिली घलोक उपचार बर मुख्यमंत्री विशेष स्वास्थ्य सहायता योजना ले मोर पुत्र के उपचार बर 2 लाख 62 हजार रूपिया के स्वीकृति प्रदान करे गए रहिस। ये राशि अस्पताल के खाता म स्थानांतरित हो जाही। अभी हम हैदराबाद अस्पताल के चिकित्सक मन ले संपर्क करे हन हम लइका के उपचार बर हैदराबाद बर जल्दच रवाना होबो। एखर बर माननीय मुख्यमंत्री जी के सहृदय आभार अउ धन्यवाद ज्ञापित करत हंव।
