अन्नदाता के खुशी, हमार खुशी – मुख्यमंत्री दाऊ भूपेश बघेल

रइपुर, 27 जून 2022

प्रदेशव्यापी भेंट-मुलाकात कार्यक्रम म पहुंचे मुख्यमंत्री भूपेश बघेल ह आज इहां कोरिया जिला के भरतपुर विकासखण्ड के ग्राम बहरासी पहुंचके उहां स्थित हनुमान मंदिर म पूजा-अर्चना करके प्रदेशवासी मन के सुख-समृद्धि अउ खुशहाली के कामना करीन। उन मन कार्यक्रम जगा म छत्तीसगढ़ महतारी के छायाचित्र ऊपर माला चढ़ाइन अउ पूजा-अर्चना करके भेंट-मुलाकात के शुरूआत करीन। मुख्यमंत्री ह भेंट-मुलाकात के दौरान आम जनता लेे राज्य शासन के योजना मन के फीडबैक लिन अउ ग्रामीण मन के मांग म क्षेत्र के विकास खातिर अबड़ अकन घोषणा करीन।
विधानसभा क्षेत्र के सबो गांव म देवगुड़ी बनाए बर पांच-पांच लाख रुपिया दीन। बहरासी हायर सेकंडरी स्कूल बर नवा भवन के निर्माण, रमदहा जलप्रपात ल पर्यटन स्थल के रूप म विकसित करे बर, जनकपुर-कोटाडोल सड़क के प्रभावित मन के मुआवजा बर तीन करोड़ रुपिया के घोषणा करीन। माड़ीसराई म नवा विद्युत उपकेंद्र के स्थापना, क्षेत्र के बिजलीविहीन गांव मन म बिजली पहुंचाए के बेयवस्था, केल्हारी म नवा जिला सहकारी बैंक के शाखा, केल्हारी म नवा स्वामी आत्मानंद अंग्रेजी माध्यम स्कूल खोले बर, कुवांरपुर अउ नागपुर ल उपतहसील कार्यालय खोले के अउ जनकपुर ग्राम पंचायत ल नगर पंचायत बनाये के घोषणा करीन। उन मन अधिकारी मन ल कैम्प लगाके बंदोबस्त त्रुटि सुधार करे बर तको हुकुम दीन।