- 24 दिन चले कार्यक्रम म मनखे मन ल करिन स्वास्थ्य के प्रति जागरुक
- कार्यक्रम के आज होइस समापन
नारायणपुर, नारायणपुर जिला के ग्रामीण क्षेत्र मन तरफ अंदरूनी ईलाक़ा म डायरिया के रोकथाम अऊ जल स्वच्छता प्रचार अभियान स्वास्थ्य विभाग, जिला प्रशासन अऊ अंतर्राष्ट्रीय स्वयंसेवी संगठन यूनिसेफ़ कोति ले साथी समाजसेवी संस्था के सहयोग ले कई ठन गांव म स्थानीय बोली म नृत्य, नाटक के माध्यम ले शौचालय के परयोग के संग स्वास्थ्य जागरूकता के कार्यक्रम 9 जून ले आज 3 जुलाई तक चलाय गीस। सबो के संयुक्त समन्वय ले हाटबाजार के संगें-संग 72 गाँव म स्वास्थ्य जागरूकता कार्यक्रम प्रस्तुत करे गीस। अंदरूनी इलाका मन म चुनौती मन के सामना करत कला जत्था के कलाकार मन कोति ले सफलतापूर्वक ये अभियान ल पूरा करे म अपन महत्वपूर्ण योगदान दे गीस।
कार्यक्रम म गर्भवती माता मन ल गर्भावस्था के समय ध्यान रखे जाय वाले बात मन ले घलोक अवगत करवाये गीस। जेखर से गर्भवती माता अऊ गर्भस्थ शिशु दुनों स्वस्थ रह सकयं। ये अभियान म कला जत्था दल कोति ले गीत, नाटक अऊ प्रहसन के माध्यम ले स्वच्छता, पोषण अऊ स्वास्थ्य ले संबंधित सन्देशपरक प्रस्तुति दीए गीस। डायरिया, मलेरिया ले रोकथाम, बरसात के मौसम म होवइया मौसमी बीमारी मन ले बांचे स्वास्थ्य जागरूकता के ये अभियान म रासपरब संस्था के अध्यक्ष राकेश यादव, सचिव आशुतोष प्रसाद कोति ले निर्देशित नृत्य, नाटक के प्रदर्शन रविराज पानी, संजय देवांगन, सागर बघेल, लक्ष्मी कश्यप, सविता रामटेके, रीना बघेल, उर्वशी चंदेल, मनोज नाग, सुभाष ठाकुर, धनंजय मंडल अउ साथी मन करिन। साथी समाज सेवी संस्था के अध्यक्ष श्री भूपेश तिवारी के मार्गदर्शन म अऊ प्रमोद पोटाई, वॉश एसोसिएट अजय वैध अउ साथी संस्था के अड़बड़ मेहनती, ऊर्जावान साथि मन के सहयोग ले ये लक्ष्य पूरा हो पाइस। कार्यक्रम के आज नारायणपुर के बिजली सेक्टर के ग्राम खोड़गाँव ले पूरा होइस।
