मुंगेली, राज्य शासन के जनकल्याणकारी योजना मन के सफल क्रियान्वयन बर जिला म कला जत्था दल के माध्यम ले प्रचार-प्रसार करे जात हे। कला जत्था दल ह नाट्य, नृत्य, गीत अउ संगीत प्रस्तुति के माध्यम ले कई ठन गांव मन म राज्य शासन के योजना मन के जानकारी देहे जात हे। जेखर से जादा ले जादा गांव वाले मन जागरूक होके शासन के योजना मन के लाभ ले सकयं। इही कड़ी म मया के छांव नाचा जत्था दल ह मुंगेली विकासखंड के ग्राम कंतेली अऊ अमरटापूधाम म शासन के जनकल्याणकारी योजना मन के प्रचार-प्रसार करिस। जिहां बड़ संख्या म गांव वाले मन ह पहुंचके कला जत्था दल के नाट्य, नृत्य, गीत व संगीत के आनंद लीन। उहें शासन के महत्वाकांक्षी जनकल्याणकारी योजना मन ले रूबरू होइन। कला जत्था दल के माध्यम ले राजीव गांधी किसान न्याय योजना, सुराजी गांव नरवा, गरूवा, घुरवा अऊ बाड़ी योजना, मुख्यमंत्री वृक्षारोपण प्रोत्साहन योजना, स्वामी आत्मानंद शासकीय अंगरेजी माध्यम स्कूल, जल जीवन मिशन, मुख्यमंत्री सुपोषण अभियान, राजीव गांधी ग्रामीण भूमिहीन कृषि मजदूर न्याय योजना आदि के जानकारी देहे गीस अऊ गांव वाले मन ल लाभ उठाए बर प्रेरित करिन। जानबा हे कि कलेक्टर डॉ गौरव कुमार सिंह के मार्गदर्शन म जिला के आमजन ल शासन के जनकल्याणकारी योजना मन के प्रति जागरूक करे कला जत्था दल के माध्यम ले प्रचार प्रसार करे जात हे। येकर बर जिला के कई गांव मन म मया के छांव कला जत्था दल अऊ इंदु फाउंडेशन रायपुर कोति ले शासन के जनकल्याणकारी योजना मन के जानकारी देहे जात हे।
कला जत्था दल ले शासन के राज्य जन कल्याणकारी योजना मन के करे जात हे प्रचार-प्रसार
