राजनांदगांव: कलेक्टर ह आतंकवादी विरोधी दिवस के अधिकारी-कर्मचारी मन ल देवाइन शपथ

राजनांदगांव, 21 मई 2024। पूर्व प्रधानमंत्री भारत रत्न स्वर्गीय श्री राजीव गांधी के पुण्यतिथि म कलेक्टर श्री संजय अग्रवाल ह कलेक्टोरेट कार्यालय के अधिकारी-कर्मचारी मन ल आज आतंकवाद विरोधी दिवस के शपथ देवाईन। शपथ म ये संकल्प लेहे गीस कि हम भारतवासी अपन देश के अहिंसा अउ सहनशीलता के परंपरा उपर दृढ़ विश्वास रखथन अऊ हम निष्ठापूर्वक सबो प्रकार के आतंकवाद अऊ हिंसा के डटकर विरोध करबोन। हम मानव जाति के सबो वर्ग के बीच शांति, सामाजिक सद्भाव अउ सूझबूझ कायम करे अऊ मानव जीवन मूल्य मन ल खतरा पहुंचइया अउर विघटनकारी शक्ति मन ले लडे के शपथ लेवत हन। ए बेरा म अपर कलेक्टर श्री सीएल मारकण्डेय, अपर कलेक्टर श्रीमती इंदिरा नवीन प्रताप सिंह, संयुक्त कलेक्टर श्री खेमलाल वर्मा अउ आन अधिकारी-कर्मचारी उपस्थित रहिन।