विशेष पिछड़ी जनजाति के ठेमुराम कमार ल मिलीस पीएम आवास

धमतरी, छत्तीसगढ़ के अति पिछड़ी जनजाति मन म सामिल कमार जनजाति के घटत आबादी ल देखत  शासन कोति ले ए मन ल विशेष संरक्षण प्रदान करे गए हे। अइसनहे जनजाति के ठेमु राम कमार जेन धमतरी जिला के नगरी विकासखंड अंतर्गत ग्राम पिपरही भर्री निवासी हे। वो ह बताइस के पहिली अपन परिवार के संग टूटे-फूटे झोपड़ी म मुस्किल हालत म जीवन व्यतीत करत रहिस। चार झन परिवार वाले परिवार के मुखिया ठेमु राम बरसात के मौसम ल सबले जादा डरावना मानत रहिस, जब खपरा के बीच ले सूहत पानी के सेती पूरा रात जागके बिताए परत रहिस। तेज हवा के हर झोंका के संग डर के साया मंडरात रहय के कहूं कोनो अनहोनी झन हो जाय। अइसन म जीवन बस जइसे-तइसे कटत रहिस।
प्रधानमंत्री आवास योजना (ग्रामीण) ए परिवार बर आशा के नवा अंजोर बनके आईस। योजना के तहत ठेमु राम ल पक्का मकान पास होइस। वोखर पत्नी पार्वती ल शुरुआत म शंका रहिस के योजना के लाभ मिलही के नही, फेर सरकारी प्रक्रिया पारदर्शी रहिस अऊ ओ मन ल कोनो प्रकार के परेशानी नइ उठाए ल परिस। तय समय म खाता म किस्त के पइसा मिलीस अऊ ठेमु राम ह अपन मकान बनाए के काम म खुदे श्रमिक बनके मेहनत करिस एक-एक ईंटा जोड़के उमन अपन परिवारके सपना साकार करिन। आज उंखर परिवार सुरक्षित, सम्मानजनक अऊ खुशहाल जीवन जीयत हे। ठेमूराम कमार बतात हे के अब बरसा ऊंखर बर डर न ही बल्कि आनेद के फुहार लेके आथे। पक्का छत के तरी ओ मन निश्चिंत होके चैन के नींद सोथें। ठेमु राम ह बताइस के ओ ह राजमिस्त्री हे अऊ मनरेगा के तहत ओ ल रोजगार घलोक मिलहे हे। शासन के महतारी वंदन योजना के तहत वोखर पत्नी ल हर महीना एक हजार रूपिया मिलथे। संगेच आयुष्मान भारत योजना, राशन कार्ड जइसे योजना मन ले घलोक ऊंखर परिवार  ल लाभ होवत हे। आज कमार जनजाति के ये परिवार शासन के योजना मन के सजीव उदाहरण हे के सही दिशा, इच्छाशक्ति अऊ सरकारी सहयोग ले जीवन ल बदले जा सकत हे। ठेमु राम कमार ह अपन शब्द म प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के हिरदे ले धन्यवाद देवत कहिस हे के “अब हमर जीवन अंधियार ले अंजोर कोति बढ़ गए हे, हमर सपना सच हो गए हे।