कांच वाले चांउर बांटे म रोक, वेयर हाउसिंग कार्पोरेशन ह करिस तुरंते कारवाई

रायपुर, छत्तीसगढ़ स्टेटवेयर हाउसिंग कार्पोरेशन के प्रबंध संचालक श्री जन्मेजय महोबे ह बताइस हे कि कांच के कुटका मिले चांउर कोनो राशन दुकान म नइ करे गए हे। ए ल बांटे ल रोक देहे गए हे। छत्तीसगढ़ स्टेटवेयर हाउसिंग कार्पोरेशन दुर्ग के गोदाम म पाला चावल के 20 बोरा मन म कांच के कुटका पाये जाय के खबर मिले म राजधानी ले वरिष्ठ अधिकारी मन के एक दल ल जांच बर दुर्ग भेजे गीस। जांच के समय ये बात आगू आईस के पाछू महिना गोदाम के वेन्टीलेटर्स के कांच बदलत बेरा पहिली ले लगे कांच के टुटे के येती एलीवेज म गिरे चांउर म कांच के कुटका मिल गये रहिस। शाखा प्रबंधक कोति ले तुरंते ए चांउर ल अलग बोरा मन म भरके वितरण बर प्रतिबंधित कर दे गए रहिस। ए चाउंर के बोरा मन के वितरण सार्वजनिक वितरण प्रणाली के कोनो राशन दुकान म नइ करे गए हे।