कंडेल नहर सत्याग्रह के प्रणेता बाबू छोटेलाल श्रीवास्तव के घर पहुंचके मुख्यमंत्री ह करिन परिजन मन ले भेंट

रायपुर, प्रदेश के मुख्यमंत्री श्री भूपेश बघेल आज धमतरी जिला के गौरव ग्राम कण्डेल म कंडेल नहर सत्याग्रह के प्रणेता बाबू छोटेलाल श्रीवास्तव के घर जाके ऊंखर परिजन मन ले भेंट करिन। मुख्यमंत्री ह बाबू छोटेलाल श्रीवास्तव के पैतृक घर म ऊंखर अउर महात्मा गांधी के तैल फोटू म माल्यार्पण करिन। ए दौरान मुख्यमंत्री श्री बघेल ह बाबू छोटे लाल के प्रपौत्र श्री यतीश श्रीवास्तव ले भेंटकरके उंखर पारिवारिक पृष्ठभूमि के संबंध म चर्चा करिन। ए दौरान मुख्यमंत्री अउर आन कैबिनेट मंत्रि मन ह चना मुर्रा के स्वाद घलोक चिखिन। ए अवसर म प्रदेश के उद्योग मंत्री अउर जिला के प्रभारी मंत्री श्री कवासी लखमा, कैबिनेट मंत्री श्री जयसिंह अग्रवाल, श्री प्रेमसाय सिंह, विधायक श्री मोहन मंडावी उपस्थित रहिन।