राजकीय सम्मान के संग दे जाही आखरी विदाई
रायपुर, 22 सितंबर 2020। मुख्यमंत्री श्री भूपेश बघेल ह स्वतंत्रता संग्राम सेनानी श्री कन्हैया लाल अग्रवाल के निधन म गहरा दुख व्यक्त करे हें। मुख्यमंत्री ह ईश्वर ले दिवंगत आत्मा के शांति अऊ शोकाकुल कुटुंब ल ए दुख के घड़ी ल सहन करे के शक्ति प्रदान करे के प्रार्थना करे हें। राजनांदगांव म स्व. श्री कन्हैया लाल अग्रवाल के आज पूरा राजकीय सम्मान के संग आखरी संस्कार करे जाही।
आप मन जानतेच हव के राजनांदगाँव के शतवर्षीय स्वतंत्रता संग्राम सेनानी श्री कन्हैया लाल अग्रवाल के आज निधन हो गए हे। ओ मन राजनांदगांव म जन आंदोलनों के पुरोधा रहिन। प्रगतिशील लेखक संघ, भारतीय जन नाट्य संघ अऊ अखिल भारतीय शांति अऊ एकजुटता संगठन ले आखरी समय तक सक्रियता पूर्वक जुड़े रहिन। पाछू साल 20 अगस्त के ऊंखर 100वां जन्मदिन म मुख्यमंत्री श्री भूपेश बघेल के विशेष उपस्थिति म उंखर नागरिक अभिनंदन करे गए रहिस। ए साल 3 जनवरी के रायपुर म आयोजित एप्सो के राष्ट्रीय सम्मेलन म घलोक सुदीर्घ सेवा मन बर उंखर सम्मान करे गए रहिस।
