कांकेर, जिला के मालगांव केंद्र म राजस्व मंत्री टंकराम वर्मा ह पूजा-अर्चना करके समर्थन मूल्य म धान खरीदी के शुरुआत करिन। मंत्री के उपस्थिति म किसान तीजूराम उसेण्डी के धान के पहली तुलाई करके खरीदी काम शुरू होइस। कार्यक्रम म विधायक आशाराम नेताम अऊ जिला अधिकारी घलोक मौजूद रहिन।
जिला म खरीदी खातिर 149 उपार्जन केंद्र बनाय गए हे, जिहां नोडल अधिकारी, केंद्र प्रभारी अऊ कंप्यूटर ऑपरेटर तैनात हे। बारदाना के व्यवस्था घलोक पूरा कर लेहे गए हे। खरीदी शुरू होतेच किसान मन म उत्साह के माहौल बन गए हे।
कांकेर म धान खरीदी शुरू! मंत्री टंकराम वर्मा ह पहली तउलिन किसान के धान
