कांकेर के मेडिकल कॉलेज अब पूर्व प्रधानमंत्री स्वर्गीय श्रीमती इंदिरा गांधी के नाम ले जाने जाही

मुख्यमंत्री ह भानुप्रतापपुर म आयोजित गोंडवाना सम्मेलन म घोषणा करत कहिन के आदि संस्कृति ल संरक्षित करे म प्रदेश सरकार भरपूर उदीम करत हे।
भानुप्रतापपुर म 14.47 करोड़ रुपिया लागत के विकास काम मन के लोकार्पण- भूमिपूजन
कांकेर, मुख्यमंत्री श्री भूपेश बघेल ह आज कांकेर जिला के तहसील मुख्यालय भानुप्रतापपुर म गोंडवाना समाज के पेन करसाड मांदरी अउर एक दिवसीय वार्षिक सम्मेलन म शिरकत करिन, जिहां उमन कांकेर के मेडिकल कॉलेज के नामकरण पूर्व प्रधानमंत्री स्वर्गीय श्रीमती इंदिरा गांधी के नाम म करे के घोषणा करिन। ये बेरा म मुख्यमंत्री ह 14 करोड़ 47 लाख रुपए के लागत के 146 विकास काम मन के लोकार्पण अउर भूमिपूजन करिन। ये मां 09 करोड़ 55 लाख रुपए के 94 काम मन के लोकार्पण अऊ 04 करोड़ 76 लाख रुपए के 52 काम मन के भूमिपूजन सामिल हे। ये बेरा म मुख्यमंत्री ह भानुप्रतापपुर म खेल मैदान के नामकरण पूर्व विधानसभा उपाध्यक्ष स्वर्गीय श्री मनोज मंडावी के नाम म करे के घलोक घोषणा करिन। ओखर संगेच चालकी मांझी बर 10-10 हज़ार रूपिया के घोषणा, भानुप्रतापपुर म स्ट्रीट लाइट, शेड निर्माण, अहाता निर्माण बर 10-10 लाख रूपिया के घोषणा अऊ भानुप्रतापपुर के जीर्ण-शीर्ण स्कूल मन के जीर्ण उद्धार करे के प्रस्ताव राज्य शासन ल भेजे के निर्देश कांकेर कलेक्टर ल दीन।