कांकेर, खेल अउ युवा कल्याण विभाग ह जिला मुख्यालय कांकेर म जिला स्तरीय बहुउद्देश्यीय स्टेडियम बनाए बर 7 करोड़ 60 लाख 34 हजार रुपिया मंजूर करे हे। उप मुख्यमंत्री अउ खेल मंत्री श्री अरुण साव के अनुमोदन के बाद राज्य सासन ह एखर प्रशासकीय स्वीकृति आदेश जारी कर देहे हे।
क्रीड़ा प्रोत्साहन योजना के तहत कांकेर के सिंगारभाट स्टेडियम के चिन्हित जमीन म 4,000 दर्शक क्षमता वाला बहुउद्देश्यीय स्टेडियम बनाए जाही। स्वीकृत राशि ले 400 मीटर के 8-लेन सिंथेटिक रनिंग ट्रैक, मिनी जिम, महिला-पुरूष शौचालय, सीसी रोड, आरसीसी ड्रेन अउ ओपन स्टेज के निर्माण करे जाही।
उप मुख्यमंत्री ह निर्माण काम अउ समान मन के गुणवत्ता ठउका करे के कड़ा निर्देश देहे हें। गुणवत्ता म कमी पाए जाय म नियमानुसार कार्रवाई करे जाही। संगेच विभाग ह टेंडर प्रक्रिया ल समय म पूरा करे अउ एजेंसी ल तय समय-सीमा म निर्माण काम पूरा करे बर कहे हे। बिना ठोस कारन के समय-सीमा नइ बढ़ाए जाए, अउ जरूरत परे म नियम अनुसार जुर्माना संगेच समयावधि बढ़ाए के निर्देश देहे गे हे।
कांकेर म बनही बहुउद्देश्यीय स्टेडियम, उप मुख्यमंत्री अरुण साव ह 7.60 करोड़ रुपिया के दीन मंजूरी
