जशपुरनगर: बगीचा, कांसाबेल अऊ केनाडांड़ गौठान म किसान मन ह करिन पैरादान

जशपुरनगर, जिला प्रशासन कोति ले जिला के सबो गौठान मन म किसान मन अऊ गांव वाले पशुपालक मन के मवेसी मन बर भरपूर चारा उपलब्‍ध कराए बर सरलग उदीम करे जात हे। येकर बर प्रशासन ह अभियान चलाके गौठान म पैरादान संग्रहण के काम करे जात हे। संगेच किसान मन ल पैरादान करे बर प्रोत्साहित घलोक करे जात हे।
जिला के सबो विकासखण्ड के किसान मन उत्साह के संग पैरादान करे जात हे। इही कड़ी म आज बगीचा विकासखण्ड के बगीचा गौठान अऊ कांसाबेल विकासखण्ड के केनाडांड़ अऊ कांसाबेल गौठान म किसान मन पैरादान करिन। जिला प्रशासन कोति ले जिला के किसान मन ले जादा ले जादा मात्रा म गौठान बर पैरादान करे के आग्रह करे गीस।