रायपुर, 12 जुलाई 2024। मुख्यमंत्री श्री विष्णु देव साय ले आज अखिल भारतीय पूर्व सैनिक सेवा परिषद छत्तीसगढ़ के सदस्य मन ह सौजन्य मुलाकात करिन। उमन मुख्यमंत्री ल कारगिल विजय दिवस के अवसर म राजधानी रायपुर म आयोजित कार्यक्रम म सामिल होए के नेवता दीन। मुख्यमंत्री ह आमंत्रण बर परिषद ल धन्यवाद देवत ऊंखर ए पहल के सराहना करिन। ए मौका म उपमुख्यमंत्री श्री विजय शर्मा घलोक मौजूद रहिन।
परिषद के सदस्य मन ह मुख्यमंत्री ल बताइन के कारगिल विजय दिवस के अवसर म परिषद कोति ले मातृभूमि बर सर्वस्व न्योछावर करइया शहीद जवान मन के पुण्य स्मरण करके श्रद्धांजलि दे जाथे। संगेच शहीद जवान मन के परिजन मन ल सम्मानित करे जाथे।
परिषद के गतिविधि मन के बारे म जानकारी देवत उमन मुख्यमंत्री ल बताइन के प्रदेश के 16 जिला मन म युवा मन ल मानवीय संस्कार अऊ राष्ट्र सेवा बर सेना ह सामिल होए के प्रशिक्षण ऊंखर कोति ले देहे जात हे। ए बेरा म पूर्व कारगिल सैनिक सर्व श्री खेमचन्द निषाद, दीनालाल साहू, रोहित कुमार, रूपेन्द्र साहू अऊ विजय कुमार डागा उपस्थित रहिन।