भूपेश सरकार म किसान के करजा माफ चिन्ता साफ

जांजगीर-चांपा जिला के 79 हजार 860 किसान नान्हे कर्जा के भार ले होगे मुक्त रू 304 करोड़ 74 लाख ले उपराहा के ऋण राशि होइस माफ

जिला के 79 हजार 860 किसान जिला सहकारी केन्द्रीय बैंक ले लिये गे छोटका बेरा के ऋण ले मुक्त होगे। राज्य शासन के ऋण माफी योजना के चलत जिला म 304 करोड़ 74 लाख ले आगर के राशि माफ करे गइस हे। अब वो बैंक ले दुबारा ऋण लेके अपन खेती-किसानी के बूता ल प्रारंभ कर दिये हावय।

जिला के किसान मन ल खेती-किसानी बर जिला सहकारी केन्द्रीय बैंक ले लिये गे छोटका बेरा के ऋण सरलग सताये जावत रिहिसे। कर्ज के सेति वो मन दुबारा कर्जा नइ ले पावत रिहिन हेे, जेकर कारण उन्कर खेती-किसानी के बूता काम ह बने ढंगलगहा होवन नइ पावत रिहिस हे। अइसनेहे बेरा म प्रदेश के मुख्यमंत्री श्री भूपेश बघेल ह जिला के 79 हजार 860 किसान मन के 304 करोड़ 74 लाख 73 हजार ले अधिक राशि के अल्पकालीन ऋण माफ करके उन्कर चेहरा म नवा मुस्कान ला दीस। अब वो मन निश्चिंत  होके अपन खेती-किसानी के बूता मं लग गय हे, उन्कर अपन डाहर ले अपन जरूरत की पूर्ति कर लिए जाथे अउ एति उपराह म ऋण माफी ले वोमन अपन बेटा -बेटी मन के पढ़ई बर बने पोठ बेवस्था घलो करत हावय।

अल्पकालीन ऋण माफी योजना जांजगीर-चांपा जिले के 79 हजार 860 किसान मन बर वरदान बनगे । ये किसान जिला सहकारी केन्द्रीय बैंक के 18 बैंक शाखा मन ले 304 करोड़ 74 लाख ले अधिक के छोटका बेरा के ऋण लिए रिहिन हे। जिला सहकारी केन्द्रीय बैंक के नोडल अधिकारी ह बताइन कि ऋण माफी योजना के तहत जांजगीर शाखा के 6 हजार 654 किसान मनं के 24करोड़ 50लाख 81 हजार 936 रूपिया, नवागढ़ शाखा के 1 हजार 751 किसान मन के 6 करोड़ 55 लाख 70 हजार 955 रूपिया, शिवरीनारायण शाखा के 2 हजार 728 किसान मन के 9 करोड़ 57 लाख 79 हजार 936 रूपिया, मुलमुला शाखा के 2 हजार 506 किसान मन के 8 करोड़ 20 लाख 77 हजार 737 रूपिया, पामगढ़ शाखा के 10 हजार 248 किसान मन के 35 करोड़ 16 लाख 41 हजार 040 रूपिया, अकलतरा शाखा के 5 हजार 562 किसान मन के 17 करोड़ 18 लाख 45 हजार 683 रूपिया, बलौदा शाखा के 3 हजार 894 किसान मन के 14 करोड़ 8 लाख 84 हजार 624 रूपिया, चांपा शाखा के 4 हजार 361 किसान मन के 14 करोड़ 9 लाख 5 हजार 431 रूपिया, बम्हनीडीह शाखा के 2 हजार 704 किसान मन के 9 करोड़ 52 लाख 34 हजार 124 रूपिया अउ बाराद्वार शाखा के 5 हजार 158 किसान मन के 15 करोड़ 91 लाख 56 हजार 144 रूपिया के राशि माफ करके उन मन ल ऋणमाफी के प्रमाण पत्र प्रदान करे गइस हे।

इही तरह बैंक शाखा जैजैपुर के 6 हजार 12 किसान मन के 23 करोड़ 79 लाख 2 हजार 331 रूपिया, बिर्रा शाखा के 1 हजार 700 किसान मन के 5 करोड़ 63 लाख 2 हजार 813 रूपिया, हसौद शाखा के 1 हजार 892 किसान मन के 4 करोड़ 90 लाख 62 हजार 174 रूपिया, मालखरौदा शाखा के 5 हजार 33 किसान मन के 18 करोड़ 91 लाख 81 हजार 352 रूपिया, छपोरा शाखा के 1 हजार 663 किसान के 8 करोड़ 4 लाख 98 हजार 945 रूपिया, सक्ती के 7 हजार 251 किसान मन के 30 करोड़ 20 लाख 49 हजार 49 रूपिया, डभरा शाखा के 7 हजार 367 किसान मन के 46 करोड़ 91 लाख 91 हजार 369 रूपिया अउ बैंक शाखा चन्द्रपुर के 3 हजार 376 किसान मन के 11 करोड़ 51 लाख 8 हजार 330 रूपिया के राशि के ऋण माफ करके उन मन ल ऋण माफी के प्रमाण पत्र बाँटे गइस।

चटकारा
सिचरन:-अरे नरवा भीतर बुड़े बुड़े काय टमड़थस समलिया।
समलिया:-काला बताबे, अंटी म एक ठो सिक्का गठियाए रहेंव पार ढूलत आके पानी म नींग गे बूजा हं। उही ल खोजत खोजत चिंगरी पा घलेंव। चल सिक्का नहीं चिंगरी सहीं।

लउछरहा..