राजकुमार हो या छबिलाल, सरकार के योजना ले होइन खुशहाल

रियायती दर म समय म मिलीस खातू-बीज, किसान मन ल मिलत हे राहत
कोरबा, बादर के गूंज के संग गूँज उठे हे खेत मन के गीत, हर बूँद म समाए मेहनत के संगीत, एती बारिश ह खेती के रद्दा देखाईस, वोती सरकार ह राहत पहुँचाईस। कोरबा जिला के करतला विकासखंड के ग्राम चोरभट्टी के मेहनती किसान राजकुमार ह खरीफ फसल के शुरुआत आत्मविश्वास अऊ उत्साह के संग करे हे। ये संभव हो पाए हे सरकार कोति ले किसान मन ल देहे जात रियायती दर म खातू अऊ समे म बीज के आपूर्ति के सेती।
राज्य शासन कोति ले किसान मन ल रियायती दर म खातू-बीज के समय म आपूर्ति सुनिश्चित करे के पहल अब जमीनी स्तर म सकारात्मक परिणाम देहे लगे हे। राजकुमार ह हाले म सहकारी समिति करतला ले चार बोरी यूरिया, डीएपी अउ उन्नत किसिम के बीज समय म प्राप्त करिस। ओ बतात हे के शासन कोति ले देहे जात ए सुविधा ह वोखर खेती ल संबल प्रदान करे हे। अब ओ ल खातू-बीज बर बाजार के दौड़ नइ लगाना परय अऊ महंगा दाम ले घलोक राहत मिले हे। समय म खातू अऊ बीज मिल जाय ले हमला खेती के शुरुआत म कोनो दिक्कत नइ होइस। बाहिर महंगा दाम म खरीदे के जरूरत नइ परिस। एखर से न केवल समय के बचत होइस, बल्कि पइसा घलोक बांचिस।
राज्य शासन के निर्देश के मुताबिक कोरबा जिला के सबो प्राथमिक सहकारी समिति मन म खरीफ सीजन बर भरपूर मात्रा म खातू अऊ बीज के भंडारण ठउका करे गए हे। सहकारी समिति करतला घलोक ए दिशा म सक्रिय भूमिका निभावत हे। समिति कोति ले किसान मन के जरूरत ल देखत उर्वरक अऊ बीज मन के सुचारु वितरण करे जात हे। राजकुमार जइसे किसान अब योजना के लाभ उठाके अपन खेत मन के तैयारी समय ले कर पात हें। शासन के ए पहल ले खेती के लागत घटत हे अऊ उत्पादन बाढ़े के संभावना घलोक बनत हे।
जिला प्रशासन कोरबा कोति ले सबो समिति मन ल हुकुम देहे गए हे के किसान मन ल कोनो कठिनाई झन होवय अऊ ओ मन ल भरपूर मात्रा म खातू-बीज समय म मिल जाए। एकर नियमित मॉनिटरिंग के घलोक व्यवस्था करे गए हे जेखर से वितरण प्रक्रिया पारदर्शी बने रहय। राजकुमार के बताती “पहिली बाजार म भटके ल परत रहिस, अब समिति म सब कुछ आसानी ले मिल जात हे। सरकार के ये व्यवस्था हमला आत्मनिर्भर बनावत हे। मैं मुख्यमंत्री श्री विष्णु देव साय के आभारी हंव जेन उमन ल हमर अतका फिकर हे।