दंतेवाड़ा के कटेकल्याण ब्लॉक के गुड़से म गरीब परिवार ल मिलीस निःशुल्क कम्बल

  • डीएमएफ के तहत जिला के गरीब परिवार ल बांटे जात हे निःशुल्क कम्बल
  • बड़ेगादम के सियान महिला सन्नी देवा अऊ सोमड़ी हड़मा ह निःशुल्क कम्बल दे बर सरकार ल दीन धन्यवाद

दंतेवाड़ा, प्रदेश के मुख्यमंत्री श्री भूपेश बघेल के निर्देश के मुताबिक जिला म खनिज न्यास निधि के तहत गरीब परिवार ल निःशुल्क कम्बल वितरण करे जात हे, जेखर से ठण्ड के सीजन म ए गरीब परिवार मन ल ओढ़े बर सहूलियत होही। इही कड़ी म जिला के दूरस्थ कटेकल्याण ब्लॉक के अन्दरूनी गांव गुड़से म बड़ेगादम अऊ गुड़से ग्राम पंचायत के कुल 1171 निर्धन परिवार ल निःशुल्क कम्बल बांटे गीस। ये मौका म क्षेत्र के जिला पंचायत सदस्य श्री भीमसेन मंडावी ह स्थानीय गोंडी बोली म गांव वाले मन ल सम्बोधित करत कहिन कि शासन ल गरीब परिवार के चिंता हे अऊ ओ मन ल हरसंभव मदद देहे के प्रयास करत हे। एकरे सेती ये कड़ाके के ठण्ड म निर्धन परिवार मन ल निःशुल्क कम्बल प्रदान करे जात हे। ये कम्बल के उपयोग करे ले गरीब मनखे मन ल अब अलाव के जरूरत नइ परही।

ये दौरान सरपंच गुड़से श्री सन्नू ताती ह कहिन कि ये मुख्यमंत्री श्री भूपेश बघेल के गरीब परिवार मन के प्रति संवेदनशील पहल हे जेमन ये ठण्ड के बेरा म गरीब परिवार मन ल निःशुल्क कम्बल प्रदान करे के सार्थक निर्णय लेहे हें। उमन ये मौका म बताइन कि मुख्यमंत्री श्री भूपेश बघेल के निर्देश म जिला के प्रभारी मंत्री श्री जयसिंह अग्रवाल कोति ले जिला के गरीब परिवार मन ल निःशुल्क कम्बल बांटे के अनुशंसा करे गए रहिस। जेखर तहत कलेक्टर श्री टोपेश्वर वर्मा के मार्गदर्शन म जिला खनिज न्यास निधि के अंतर्गत पहिली चरण म जिला के कटेकल्याण, कुआकोंडा, दन्तेवाड़ा अऊ गीदम ब्लॉक के अंदरूनी गांव मन के 12 हजार निर्धन परिवार ल निःशुल्क कम्बल प्रदान करे जात हे। अभी हाल म कटेकल्याण अऊ कुआकोंडा ब्लॉक के अंदरूनी गांव मन के गरीब मनखे मन ल कम्बल वितरण बर सबले पहिली प्राथमिकता दिए गए हे। उमन ये दौरान शासन के हाट बाजार क्लीनिक योजना, सुपोषण अभियान, सार्वभौम सार्वजनिक वितरण प्रणाली आदि के जानकारी देवत कहिन कि सरकार गांव, गरीब अऊ किसान मन के हित मन बर पूरा गम्भीरता के संग कटिबद्ध हे।

ये बेरा म सीईओ जनपद पंचायत श्री गहीर ह बताइस कि शासन के निर्देशानुसार पहिली चरण म कटेकल्याण ब्लॉक के अंदरूनी 11 ग्राम पंचायत मन के करीब 5 हजार निर्धन परिवार मन ल निःशुल्क कम्बल प्रदान करे के निर्णय लेहे गए हे। जेखर तहत अब तक मारजूम के 404 अऊ चिकपाल के 352 बीपीएल परिवार मन ल निःशुल्क कम्बल प्रदान करे गए हे अऊ आज बड़ेगादम के 321 अऊ गुड़से के 850 बीपीएल परिवार मन ल निःशुल्क कम्बल वितरण करे जात हे। कटेकल्याण ब्लॉक के अंदरूनी ग्राम पंचायत मन तेलम के 303, टेटम के 352, एड़पाल के 349, छोटेगुडरा के 504, जंगमपाल के 406, धनीकरका के 435 अऊ बड़ेलखापाल के 724 बीपीएल परिवार मन ल लउहे निःशुल्क कम्बल प्रदान करे जाही। ये दौरान बड़ेगादम निवासी बुजुर्ग महिला सन्नी देवा अऊ सोमड़ी हड़मा ह गरीब परिवार मन ल निःशुल्क कम्बल प्रदान करे बर सरकार ल धन्यवाद देवत कहिन कि ये सरकार के गरीब मन के चिंता ल रेखांकित करथे। उहें गुड़से के आयती कोसा अउ जोगी मासा ह एला सरकार के संवेदनशील पहल निरूपित करिस। ये मौका म जनपद पंचायत सदस्य श्री सोमडू मंडावी संग क्षेत्र के आन पंचायत पदाधिकारी अऊ कई ठन विभाग मन के मैदानी अधिकारी-कर्मचारी अऊ बड़ संख्या म ग्रामीणजन मौजूद रहिन।

लउछरहा..