रायपुर, 30 नवम्बर 2020, मुख्यमंत्री श्री भूपेश बघेल ह आज कातिक पुन्नी के बेरा म बिहनिया राजधानी रायपुर के महादेव घाट पहुंचके खारून नदी म कातिक पुन्नी अस्नान करके प्रदेशवासी मन के सुख-समृद्धि के कामना करिन। मुख्यमंत्री ह खारून नदी म कातिक पुन्नी अस्नान करे के बाद नदी करार के ऐतिहासिक हटकेश्वर महादेव मंदिर म महादेव के जलाभिषेक करके पूजा-अर्चना केरिन अऊ प्रदेश के विकास बर प्रार्थना केरिन मुख्यमंत्री परंपरागत गंगा आरती कार्यक्रम म तको संघरिन अउ दीपदान करिन। उमन कातिक पुन्नी के सबो मनखे मन ल बधाई अउ शुभकामना दीन।
ये बेरा म संसदीय सचिव श्री विकास उपाध्याय, राज्य गौ सेवा आयोग के अध्यक्ष महंत श्री रामसुंदर दास, मुख्यमंत्री के सलाहकार श्री प्रदीप शर्मा, महापौर श्री एजाज ढेबर, नगर निगम के सभापति श्री प्रमोद दुबे संग आन गणमान्य नागरिक अऊ बड़ संख्या म श्रद्धालुगण उपस्थित रहिन।
मुख्यमंत्री श्री भूपेश बघेल ह आज बिहनिया महादेव घाट म करिस कातिक पुन्नी अस्नान: प्रदेशवासी मन के सुख-समृद्धि के करिन कामना
