रायपुर, मुख्यमंत्री श्री भूपेश बघेल ह आज कातिक पुन्नी के बेरा म रायपुर के महादेव घाट पहुंचके खारून नदी मं असनांद करके प्रदेशवासी मन के सुख-समृद्धि के कामना करिन। मुख्यमंत्री ह खारून नदी मं असनांद करके ऐतिहासिक हटकेश्वर महादेव मंदिर मं महादेव के जलाभिषेक करके पूजा-अर्चना करिन अऊ प्रदेशवासी मन के सुख समृद्धि बर प्रार्थना करिन अऊ परंपरागत गंगा आरती कार्यक्रम मं सम्मिलित होइन अऊ दीपदान करिन।
मुख्यमंत्री श्री बघेल ह ए बेरा म कहिन कि छत्तीसगढ़ के सांस्कृतिक परंपरा मं कातिक पुन्नी के विशेष महत्व हे। उमन कातिक पुन्नी के सबो ल बधाई व शुभकामना दीन। ये बेरा मं संसदीय सचिव श्री विकास उपाध्याय, राज्य गौ सेवा आयोग के अध्यक्ष महंत श्री रामसुंदर दास, मुख्यमंत्री के सलाहकार श्री प्रदीप शर्मा, महापौर श्री एजाज ढेबर, नगर निगम के सभापति श्री प्रमोद दुबे संग आन गणमान्य नागरिक अऊ बड़ संख्या मं श्रद्धालुगण उपस्थित रहिन।
देखव वीडियो
