राज्य सरकार ह छत्तीसगढ़ी संस्कृति, परम्परा अउ धरोहर ल
पुनर्जीवित अउ संजोए के काम करे हे
मुम्बई ले आए अउ स्थानीय कलाकार मन के मनमोहक
प्रस्तुति ले परिसर होइस राममय
रामनामी समुदाय के रामभगत मन अउ प्रदेश के
अलग अलग मानस मंडलि मन के करे गईस सम्मान
विधानसभा अध्यक्ष कौशल्या महोत्सव म संघरीस
रायपुर, नेहा राठौर के खबर/ छत्तीसगढ़ म मुख्यमंत्री श्री भूपेश बघेल के अगुआई म सरकार कोती ले छत्तीसगढ़ी संस्कृति, परम्परा अउ धरोहर ल पुनर्जीवित करे के काम करे जाथ हे। कौशल्या माता के धाम चन्दखुरी ल अब देश-विदेश म जाने जाथ हे। एकर ब मुख्यमंत्री श्री बघेल अउ संस्कृति विभाग ह बधई के पात्र हे। ए जम्मो शब्द ह विधानसभा अध्यक्ष डॉ. चरणदास महंत ह मुख्य अतिथि के रूप म कौशल्या महोत्सव ल सम्बोधित करत हूए कहिस। ए अवसर म कोरबा लोकसभा सांसद श्रीमती ज्योत्सना महंत घलो उपस्थित रहिन हे।
तीन दिवसीय कौशल्या महोत्सव के दूसर दिन विधानसभा अध्यक्ष डॉ. महंत ह रामनामी समुदाय के रामभगत अउ प्रदेश के अलग अलग मानस मंडलि मन ल प्रशस्ति पत्र, राजकीय गमछा अउ स्मृति चिन्ह भेंट कर के सम्मानित करिस। महोत्सव के दूसरे दिन आज मुम्बई ले आए कलाकार मन के प्रस्तुति ह दर्शक के मन मोह लिहिस। प्रसिद्ध शास्त्रीय नृत्यांगना सुश्री रविन्दर खुराना अउ प्रसिद्ध गायिका सुश्री कविता पौडवाल अउ वाराणसी के श्री व्योमेश शुक्ल, प्रसिद्ध भजन गायक श्री प्रभंजय चतुर्वेदी-भिलाई के प्रस्तुति ले सबो परिसर ह राममय हो गइस।
छत्तीसगढ़ सरकार कोती ले रामायण अउ मानस मंडली प्रतियोगिता के माध्यम ले राम नाम ल जन-जन तक पहुंचाए गए हे। छत्तीसगढ़ सरकार ह विदेश मंत्रालय के माध्यम ले मानस मंडली के कलाकार मन ल विदेश म प्रस्तुति ब एमओयू करे हवय। जेकर ले छत्तीसगढ़ के कला अउ संस्कृति ल विदेश म तको पहिचान मिलही।
महोत्सव म पर्यटन विभाग के प्रबंध संचालक श्री अनिल साहू, संचालक संस्कृति श्री विवेक आचार्य, चंदखुरी नगर पंचायत अध्यक्ष श्री रविशंकर धीवर, माता कौशल्या मंदिर समिति के पदाधिकारी समेत स्थानीय जनप्रतिनिधि अउ दर्शक मन बड़ संख्या म उपस्थित रहिस हे।
