कौशल्या मंदिर ल सुसज्जित करे विधायक मन ह मुख्यमंत्री ल सौंपा 1.10-1.10 लाख रूपिया के चेक

रायपुर, मुख्यमंत्री श्री भूपेश बघेल ल आज ऊंखर निवास कार्यालय म आयोजित जनचौपाल भेंट मुलाकात कार्यक्रम म रायपुर पश्चिम विधानसभा क्षेत्र के विधायक श्री विकास उपाध्याय अऊ भिलाई के विधायक अऊ महापौर श्री देवेन्द्र यादव ह चंदखुरी स्थित कौशल्या माता मंदिर ल बनेच ढ़ंग ले व्यवस्थित करे अऊ निर्माण काम बर 1.10-1.10 लाख रूपिया के चेक सौंपिन। ये बेरा म वन मंत्री श्री मोहम्मद अकबर अऊ रायपुर उत्तर के विधायक श्री कुलदीप जुनेजा घलोक उपस्थित रहिन।
इहां हम बताना चाहबोन के राजधानी रायपुर ले करीबन 27 किमी दूरी म आरंग विकासखंड के ग्राम चंद्रखुरी म माता कौशल्या के मंदिर हे। मर्यादा पुरुषोत्तम श्रीराम के माता कौशल्या के ये मंदिर पूरा भारत म एक मात्र होए के सेती प्रसिद्ध हे। छत्तीसगढ़ ल भगवान राम के ननिहाल माने जाथे। ये क्षेत्र रामवनगमन रस्ता म होए के सेती ऊंखर इहां वनवास काल म आए के जनश्रुति मिलथे।