पूजा-अर्चना करके प्रदेशवासी मन के खुशहाली अऊ सुख-समृद्धि के कामना करिन
रायपुर, मुख्यमंत्री श्री भूपेश बघेल ह काली संझा चंदखुरी पहुंचके उहां माता कौशल्या मंदिर म पूजा-अर्चना करके प्रदेशवासी मन के खुशहाली अऊ सुख-समृद्धि के कामना करिन। मुख्यमंत्री ह एखर पाछू मंदिर परिसर म चलत सांस्कृतिक कार्यक्रम के घलोक दर्शक ओसारी म बइठ के आनंद लीन। मुख्यमंत्री ह ये मौका म रिसामा के श्रीराम लीला मण्डली के कलाकार मन के बीच पहुंचके उंखर से आत्मीयता से मिलिन अऊ कलाकार मन के उत्साहवर्धन करिन। उमन भगवान श्री राम अऊ माता सीता बने कलाकार के आरती उतारिन। राम लीला मण्डली के कलाकार मन ह ये मौका म मुख्यमंत्री के संग अपन मोबाइल ले सेल्फी तको लीन अऊ फोटो खिचवाइन।
ये बेरा म गृह मंत्री श्री ताम्रध्वज साहू, संस्कृति मंत्री श्री अमरजीत भगत अऊ छत्तीसगढ़ राज्य गौ सेवा आयोग के अध्यक्ष राजेश्री महंत श्री राम सुन्दर दास घलोक उपस्थित रहिन।