देखव वीडियो: लॉकडाउन म यूपी म फंसे मजदूर मन ल कवर्धा कलेक्‍टर अवनीश शरण के आसरा, यूपी सरकार पूछत घलो नई ये

छत्‍तीसगढ़ सरकार दूसर प्रदेश के मजदूर मन के सहयोग बर उछाह ले काम करत हे उन्‍हें उत्‍तर प्रदेश सरकार माय-मउसी म लगे हे

दुर्ग, 28 मार्च 2020। पूरा देश म लॉकडाउन होए के सेती मजदूर मन देश म जगा-जगा फंस गए हें। छत्‍तीसगढ़ ले कमाए-खाए गए मजदूर मन तको देश के कई जगा फंसे हें। छत्‍तीसगढ़ सरकार अइसन मजदूर मन के सहायता बर, जिहां उमन फंसे हें उहां के कलेक्‍टर मन ल छत्‍तीसगढ़ के मजदूर मन के सहायता करे बर कहत हे फेर आन प्रदेश म छत्‍तीसगढ़ के मजदूर मन के बने देख-रेख सहायता नइ होवत हे।

अइसनहे एक मामला कवर्धा जिला के हे, जेकर मुताबिक जिला के करीबन चालीस मजदूर उत्‍तर प्रदेश के लखनउ म फंसे हें। उंकर जानकारी होए के पीछू, कवर्धा कलेक्‍टर श्री अवनीश शरण ह लखनउ के कलेक्‍टर ल ट्वीट करके ये मजदूर मन के सहायता करे बर कहिन। फेर उत्‍तर प्रदेश सरकार ह छत्‍तीसगढ़ के मजदूर मन के कोनो सहायता नइ करिस।

ये बात के जानकारी जब कवर्धा कलेक्‍टर श्री अवनीश शरण ल होइस त उमन लखनउ म फंसे मजदूर मन के खाए-पीए के बिवस्‍था बर बैंक के माध्‍यम से पईसा भेजिन। आज अभी वो मजदूर मन के वीडियो गुरतुर गोठ ल मिले हे जेमा मजदूर मन ये बात ल स्‍वीकारत हें। आप मन स्‍वयं देखव ये वीडियो-

ये संकट के बेरा म उत्‍तर प्रदेश सरकार अउ लखनउ के डीएम ले गिलौली हे के हमर प्रदेश के मजदूर मन के खाए-पीए अउ जरूरत के जिनिस मन के पूर्ती करयं। छत्‍तीसगढ़ के मुख्‍यमंत्री श्री भूपेश बघेल ले घलव गिलौली हे के उमन उत्‍तर प्रदेश के मुख्‍यमंत्री ल ट्वीट करके ए संबंध म सहयोग करे ल कहंय।

लउछरहा..